WANAFUNZI WA SHULE YA MSINGI KASHAI HATARINI KUKUMBANA NA MLIPUKO

NA AUDAX MUTIGANZ

BUKOBA

Halmashauri ya manispaa ya BUKOBA imeshauriwa  kufanya utaratibu wa kuliondoa  DAMPO liliko karibu kabisa na shule ya msingi  ya KASHAI ambalo ni makusanyo maalumu  ya taka zinazotoka ndani ya soko kuu la kata ya KASHAI ili wawaepushe wanafunzi katika shule hiyo na  magonjwa ya mlipuko pamoja na baadhi ya wanaofanyabiashara karibu na DAMPO hilo.

Baadhi  ya wananchi walioongea na  CLOUDS wamesema DAMPO kuwa DAMPO hilo linaharatisha uhai wa wananfunzi katika shule ya KASHAI na baadhi ya wananyabiashara wanaotumia maeneo yanayozunguka DAMPO hilo kuendesha shughuli mbalimbali za kuwaingizia kipato.

Wananchi hao wamesema  jambo linalohatarisha zaidi uhai wa wanafunzi ni maji ya machafu  yanayojichuja kwenye taka zinazorundikwa  kwenye  DAMPO hilo ambayo hutililika hadi kwenye maji  ya  mto ulioko karibu na eneo ya shule hiyo, maji ya  mto huo  wanafunzi katika shule hiyo huyatumia kwa matumizi  mbalimbali, hapa  baadhi ya wananchi  wanavyoeleza madhara ya uwepo na DAMPO hilo.

ERNEST BYANGWAMU ni mwalimu mkuu wa shule ya msingi ya KASHAI anayekiri  kwamba  uwepo wa DAMPO hilo namna  unavyowaathiri wanafunzi katika shule hiyo hasa nyakati za mvua.

Kwa upande wake, CHIBUNU LUKIKO ambaye ni Kaimu Mkurugenzi Mtendaji wa halmashauri ya Manispaa ya BUKOBA,  amesema kuwa manispaa hiyo iko katika mchakato wa kuliondoa DAMPO hilo,  akizungumza kwa njia ya simu amesema  kwa sasa inatafuta eneo mbadala.

PINDA AAGANA BALOZI WA SAUDI ARABIA NCHINI

 Waziri Mkuu, Mizengo Pinda akiagana na balozi wa Saudi Arabia nchini Mhe. Hani Mominah baada ya mazungumzo yao.  Balozi huyo alikwenda ofisini kwa Waziri Mkuu  jijini Dar es salaam  Februari 13, 201 kuaga, (Picha na Ofisi ya Waziri Mkuu)

 Waziri Mkuu, Mizengo Pinda akimkabidhi zawadi balozi wa Saudi Arabia Nchini, Mheshimiwa Hani Mominah  baada ya mazungumzo yao. Balozi huyo alikwenda Ofisini kwa Waziri Mkuu jijini Dar es salaam Februari 13, 2015 kuaga. (Picha na ofisi ya Waziri Mkuu)

MAHAKAMA YA RUFANI NCHINI KUSIKILIZA MASHAURI ISHIRINI NA SITA KAGERA

NA MHARIRI

AUDAX MUTIGANZI +255 784 939 586/ 753 844 995

Mahakama kuu kanda ya BUKOBA imezindua kikao vya mahakama ya rufaa ambapo mashauri mbalimbali ISHIRINI na SITA   yatasikilizwa huku  mengine yakitolewa  maamuz na jopo la majaji wa mahakama hiyo, uzinduzi wa vikao hivyo umefanyika leo  kwenye viwanja vya mahakama hiyo iliyoko katika halmashauri ya manispaa ya Bukoba.

Uzinduzi huo   ulienda sambamba  na gwaride maalumu lililoandaliwa na kikosi cha jeshi la polisi cha kutuliza ghasia lililokaguliwa  na jaji EDWARD RUTAKANGWA ambaye ni mwenyekiti wa  majaji watakaosikiliza mashauri yote yatakayoletwa  mbele ya mahakama ya rufaa uliudhuliwa na viongozi mbalimbali wa serikali walioongozwa na mkuu wa mkoa wa KAGERA JOHN MONGELLA..

Akitoa  wakati wa uzinduzi huo ,CHARLES MAGESSA ambaye  msajili wa mahakama kuu kanda ya BUKOBA amesema  sambamba na kikao vya mahakama hiyo ya rufani pia mahakama  kuu kanda ya BUKOBA itakuwa  kikao kitakachoanza leo  katika vituo viwili ambavyo alivitaja kuwa ni pamoja na BUKOBA na BIHARAMULO ambapo  jumla ua mashauri ISHIRINI na SABA yatasikilizwa.

Aidha , msajili huyo  amesema mahakama hiyo imeandaa vikao hivyo kwa washirikisha wadau wakuu wa mahakama hiyo ambao aliwataja kuwa ni pamoja na jeshi la polisi na ofisi ya mwanasheria mkuu wa serikali, MAGESSA amesema  asilimia kubwa ya  wakaotoa ushahidi unaohusiana na mashauri yatakayosikilizwa kwamba wanaonyesha mwitikioa mzuri.

Kwa upande wao baadhi ya wananchi waliohudhulia uzinduzi wa vikao hivyo wameshukuru hatua ya serikali ya kusogeza huduma mahakama ya rufani katika mkoa wa KAGERA, kwa nyakati tofauti wamesema kuwa uwepo wa Mahakama ya rufani katika mkoa wa KAGERA utawapa nafasi kubwa ya kutetea haki zao ambazo wakati mwingine walikuwa wakipokonywa walikuwa wakifuiata huduma ya mahakama ya rufani mkoani MWANZA.

Kabla  ya serikali kusogeza huduma ya  mahakama ya rufani mkoani KAGERA mwaka jana, wananchi walikuwa wakisafiri hadi mkoani  MWANZA kusikiliza mashauri yao, hali hiyo ilikuwa ikiwapa wakati mgumu  wananchi hao  hasa wenye kipato kidogo wakatii mwingine walikuwa wakilazimika kupoteza haki yao, wengi walikuwa wakishindwa kumudu gharama za usafiri na malazi.

TOENI MAONI JUU YA SAKATA LA FEDHA ZA AKAUNTI YA ESCROW

Ndugu watembelea mtandao wangu kuna suala ambalo limeibuka linalohusiana na sakata la Fedha alizolipwa Father Rugemalila toka Account ya ESCROW, wengi wametoa tafsiri mbalimbali juu ya fedha ambayo ni mali halali ya Bw. Rugemalila, naomba tupeane ushauri hivi ni haki kuwawajibisha wale walipewa mgao wa fedha hiyo kama zawadi toka kwa RUGEMALILA? au mnaonaje sakata hilo lina mlengo wa masuala ya kisiasa hasa tunapoelekea kwenye uchaguzi mkuu 2015? kazi kwenu ndugu watembeleaji wa mtandao www.audax-kagera.blogspot.com.

Na mhariri

MKOA WA KAGERA WAJIZATITI KUTHIBITI VIFO VYA WAKINA MAMA WAJAWAZITO NA WATOTO

www.bukobawadau.blogspot.comwww.issamichuzi.blogspot.com

NA AUDAX MUTIGANZI

BUKOBA

Kamati ya huduma ya afya ya msingi  katika mkoa wa KAGERA imefanya kikao cha dharura kwa lengo la kujadili na kuweka mikakati mbalimbali yenye lengo la kupunguza  vifo vya watoto wachanga chini ya umri wa miaka MITANO na wakina mama wajawazito.

Kikao hicho kimefanyika wilayani KARAGWE  kwenye ukumbi wa  hoteli ya kanisa la kiinjili la KIRUTHERI  diosisi ya KARAGWE iliyoko katika mji wa mdogo  wa KAYANGA chini ya mkuu wa mkoa wa  KAGERA, JOHN MONGELLA.

Katika kikao hicho kilichohudhuliwa na  viongozi mbalimbali wa serikali katika ngazi zote, mkuu huyo wa mkoa amewaagiza wakuu wa wilaya mkoa humo  katika kila vikao wanavyoviandaa  vya kujadili masuala mbalimbali ya maendeleo kuweka ajenda ya namna ya kudhibiti vya vifo vya watoto wachanga chini ya miaka MITANO na  wakina mama wajawazito.

DKT THOMAS RUTACHUNZIBWA ni mganga mkuu wa mkoa wa KAGERA na NEEMA KYAMBA mratibu wa huduma ya watoto na wakina mama wajawazito  katika mkoa huo ni maofisa wa afya wanaoeleza  hali ya sasa ya  vifo vya watoto na wakina mama.

 Kwa upande wake GRANDIOSA TIBAIJUKA  ambaye ni meneja taaluma wa mradi wa JHPIEGO unaofadhiliwa na seriikali ya MAREKANI  anaishauri jamii kuchangia huduma ya afya ili iweze kupata matibabu sahihi badala ya kutegemea sana misaada toka kwa serikalini  na wafadhili, DALI  RWEGASIRA mkuu wa wilaya ya KARAGWE na DENIS MBEO mkuu wa wa wilaya ya BIHARAMULO ni miongoni mwa wakuu wa wilaya wanaoeleza mikakati yao ya  namna ya kuthibiti vifo vya wakina mama na watoto kwa kuwahamasisha  wananchi wajiunge na mfuko wa afya ya jamii.

Mkoa wa Kagera ni miongoni mwa mikoa michache hapa nchini ambazo inafanya mikakati mikubwa ya kuhakikisha vifo vya wakina mama wajawazito na watoto cinini ya miaka MITANO vinabaki kwenye vitabu vya historia, mkakati wa mkoa huo ni kuihamasisha jamii namna ya kujiepusha na vifo hivyo kuanzia ngazi ya vijiji, mtaa na vitongoji.

WAZIRI MKUU ATEMBELEA SHAMBA LAKE

 waziri Mkuu, Mizengo Pinda akiwaongoza viongozi wa Kanisa la Anglican kutembelea malisho ya ng'ombe  kwenye shamba lake  lililopo  Zuzu Dodoma Februari 9, 2015. Baadhi ya viongozi hao ambao walikwenda kujifunza kwa lengo la kuanzisha shamba linalofanana na hilo Dodoma ni Askofu Dickson Chilongani wa Dayosisi ya Dodoma (wapili kushoto), Askofu Maimbo Mndolwa wa Dayosisi ya Tanga (kulia kwake) na kulia ni Re. Canon, Johnson Chinyongole ambaye ni Katibu Mkuu wa Kanisa hilo. (Picha na Ofisi ya Waziri Mkuu)