MKOA WA KAGERA WAPEWA SOMO JUU YA KUPUNGUZA TATIZO LA AJIRA NA KUKUZA UCHUMIWA MKOA

Kupitia serikali ya Ujerumani mkoa wa Kagera umepata mtaalam mshauri ambaye anatoa utaalam wa kuusaidia mkoa katika nyanja mbalimbali za kuinua uchumi wake kwa kutoa ushauri jinsi ya kutumia fursa zilizopo mkoani Kagera kwa ajili ya kuleta maendeleo ya haraka kwenye jamii.

Bw. Joern Bernhadt   ni mtaalam aliyebobea katika kutoa ushauri wa  huduma za jamii kwa miaka 41 kutoka nchini Ujerumani na amewahi kufanya kazi katika nchi mablimbali kama Indonesia, Swaziland, na Ethiopia.

Bw. Bernhadt alikutana na Mkuu wa Mkao wa Kagera Kanali Mstaafu Fabian Massawe pamoja na Wataalam kutoka katika ofisi yake na kutoa ushauri wake juu ya kongeza ajira katika mkoa wa kagera pamoja na kuendeleza watu wa ngazi ya chini kielimu kupitia vyuo vya ufundi.

Katika kutengeneza ajira Bw. Bernhadt alipendekeza Mamlaka za Serikali za Mitaa kuwa zinaweza kuamua kujenga barabara za mawe ambazo kwa kiwango kikubwa zinatengeneza ajira kwa watu wengi na kudumu kwa muda mrefu alitolea mfano wan chi ya Ethiopia ilivyopunguza tatizo la ajira kwa njia hiyo.

“Katika kutengeneza barabara hizo wananchi watafundishwa jinsi ya kuchonga mawe na baada ya mawe hayo kuchongwa yatanunuliwa na serikali ili itengeneze barabara na kwa kufanya hivyo tayari wananchi ambao hawana ajira wanaweza kujiajili kupitia miradi kama hiyo”. Alishauri Bw. Bernhadt.

Elimu, Mtaalam huyo aliashauri vyuo vya ufundi kujengwa vingi iwezekanavyo ili wananchi wengi wapate ujuzi wa ufundi. Lakini alitaadharisha kuwa katika vyuo hivyo soko ndilo litaje ni huduma gani inahitajika ili walimu watoe elimu sahihi ya kukidhi soko husika na siyo kufundisha ufundi tu.

Uchumi, katika kukuza uchumi  wa mkoa Bw. Bernhadt alipendekeza serikali kuweka njia rahisi za kuwafanya wananchi walio wengi kuanza kufanya biashara kama kuweka njia fupi za kupata leseni na kupata bidhaa kwa urahisi zaidi ili kushawishi mazingira rafiki kwa biashara.

Aidha kushawishi nchi jirani kama Rwanda, Burundi na Uganda kuwekeza katika masuala ya usafirishaji kama kuanzisha safari za ndege kutokea Bukoba kwenda Entebe, Kigali na Bujumbura kwasababu mkoa wa Kagera ni kitovu cha nchi za Jumuiya ya Afrika Mashariki.

Bw. Bernhadt alimalizia kwa kuwakumbusha wataalam wa mkoa wa Kagera kuwa ili kutoa huduma nzuri kwa Jamii siyo lazima uwe na mtaji mkubwa sana wa fedha mfano huduma ya afya, alishauri kwa wananchi wenye tatizo la kutembea muda mrefu kutafuta huduma  wanaweza kujengewa vituo vidogo vya kupatiwa huduma ya kwanza kabla ya kufika katika vituo vikubwa  vya kutolea huduma za afya.

Imeandaliwa na:

Sylvester Raphael

AFISA HABARI

RS-KAGERA@2014

MAMBO YA BUNGE LA KATIBA

 Waziri Mkuu, Mizengo Pinda  akizungumza na wajumbe wa  Bunge Maalum la Katika kwenye viwanja vya Bunge Mjini Dodoma Februari 19, 2014. Kutoka kushoto ni Dominick Lyamchay, Rashid Mtuta, Consitantine Akitanda na  Fahmi Fovutwa.(Picha na Ofisi ya Waziri Mkuu)

Waziri Mkuu, Mizengo Pinda akizungumza na wajumbe wa Bunge Maalum la Katiba , Saidi Mohamed Mtunda (katikati) na Subira Mgalu kwenye viwanja vya Bunge Mjini Dodoma  Februari 19,2014. (Picha na Ofisi ya Waziri Mkuu)

WARNING

 THE UNITED REPUBLIC OF TANZANIA
                            MINISTRY OF TRANSPORT
    TANZANIA METEOROLOGICAL AGENCY



                   Information to the Public: Heavy rains are expected.

Information No.                    201402-03
Time of issue(Hour)
                                   02:30pm
EAT
Category:                          Warning
Valid from:
Date                               19th February, 2014

Valid to:                            th
                                   21   February, 2014
Date

Phenomena/Hazard/Disaster
                                   Heavy rainfall exceeding 50mm in 24hours per day.

Level of Confidence:               Medium: (60%)

                                   Central areas (Singida and Dodoma regions), South-western highlands
Expected Area :                    (Iringa, Mbeya and Njombe regions) and Southern region (Ruvuma and
                                   Morogoro regions).

                                   This is due to deepening of low pressure system in Mozambique
Text:                              channel which drags winds from Congo forest through the above
                                   mentioned areas.

Advisory:                          Emergency management departments and residents of high risk areas
                                   are advised to take necessary precautions.
Remarks:                           TMA will continue to monitor the situation and issue updates when
                                   necessary.

Issued by
Tanzania Meteorological Agency.

BALOZI KAMALA NCHINI UBELGIJI

Balozi wa Tanzania Ubelgiji Dr. Diodorus Buberwa Kamala akimkabidhi zawadi Kiongozi Mkuu wa Serikali ya Jimbo la Flanders la Ubelgiji Mhe. Kris Peeters. Balozi Kamala amemtembelea Mhe. Kris Peeters leo ofisini kwake Brussels.

RAIS KIKWETE AZINDUA KITABU

Rais Jakaya Mrisho Kikwete akiongea na msanii wa vichekesho ambaye  pia ni mhubiri  na mwimbaji wa nyimbo za injili Emmanuel Mgaya maarufu kama Masanja Mkandamizaji  baada ya kuzindua Sera ya Mtandao wa Vikundi vya Maadili na Uchumi Tanzania (MVIMAUTA)  akiwa na mwasisi wake  Askofu Mkuu Sylvester Gamanywa, Mwangalizi Mkuu wa Kitaifa, wa WAPO Mission  International  na Mwasisi wa Maono ya Harakati za Maadili kwa Kizazi Kipya katika ukumbi wa BCIC Mbezi Beach jijini Dar es salaam  Jumamosi, Februari 15, 2014

G13: Rais Jakaya Mrisho Kikwete akisalimiana na vijana baada  ya kuzindua Sera ya Mtandao wa Vikundi vya Maadili na Uchumi Tanzania (MVIMAUTA)  iliyoasisiwa na   Askofu Mkuu Sylvester Gamanywa, Mwangalizi Mkuu wa Kitaifa, wa WAPO Mission  International  na Mwasisi wa Maono ya Harakati za Maadili kwa Kizazi Kipya katika ukumbi wa BCIC Mbezi Beach jijini Dar es salaam

 Rais Jakaya Mrisho Kikwete akihutubia wakati wa  kuzindua Sera ya Mtandao wa Vikundi vya Maadili na Uchumi Tanzania (MVIMAUTA)  iliyoasisiwa na   Askofu Mkuu Sylvester Gamanywa, Mwangalizi Mkuu wa Kitaifa, wa WAPO Mission  International  na Mwasisi wa Maono ya Harakati za Maadili kwa Kizazi Kipya katika ukumbi wa BCIC Mbezi Beach jijini Dar es salaam

 Rais Jakaya Mrisho Kikwete akinyanyua juu kitabu baada ya kuzindua Sera ya Mtandao wa Vikundi vya Maadili na Uchumi Tanzania (MVIMAUTA)  akiwa na mwasisi wake  Askofu Mkuu Sylvester Gamanywa, Mwangalizi Mkuu wa Kitaifa, wa WAPO Mission  International  na Mwasisi wa Maono ya Harakati za Maadili kwa Kizazi Kipya katika ukumbi wa BCIC Mbezi Beach jijini Dar es salaam

HOTUBA YA MHESHIMIWA JAKAYA MRISHO KIKWETE,  RAIS WA JAMHURI YA MUUNGANO WA TANZANIA, WAKATI WA UZINDUZI WA SERA YA MTANDAO WA VIKUNDI VYA MAADILI NA UCHUMI TANZANIA (MVIMAUTA), KWENYE UKUMBI WA BCIC, MBEZI BEACH, TAREHE 15 FEBRUARI, 2014

Baba Askofu Mkuu Sylvester Gamanywa, Mwangalizi Mkuu wa Kitaifa, wa WAPO Mission  International  na Mwasisi wa Maono ya Harakati za Maadili kwa Kizazi Kipya;
Mheshimiwa Sadiq Meck Sadiq, Mkuu wa Mkoa wa Dar es Salaam;
Askofu Michael Peter Imani, Mwangalizi wa Makanisa ya WAPO Mission International, Kanda ya Dar es Salaam na Pwani;
Maaskofu Waangalizi wa Wapo Mission;
Ndugu Waumini;
Wageni Waalikwa;
 Mabibi na Mabwana;
Shukrani kwa Mwaliko
Nakushukuru sana Baba Askofu Mkuu Sylverster Gamanywa na viongozi wenzako wa Wapo Mission International kwa kunialika na  kunishirikisha katika tukio hili la kihistoria la kuzindua Sera ya Mtandao wa Vikundi vya Maadili na Uchumi Tanzania (MVIMAUTA).  Nakushukuru kwa Risala ambayo imeelezea kwa ufasaha malengo na madhumuni ya MVIMAUTA na jinsi mlivyojipanga kuyatekeleza na nini mnachotegemea Serikali ifanye kusaidia utekelezaji wake.  Napenda kuchukua nafasi hii kukupongeza kwa dhati kwa ubunifu wako na kwa kazi kubwa na nzuri unayoifanya wewe na Kanisa lako la kulea vijana wawe raia wema na wenye manufaa kwa familia zao, jamii na taifa kwa jumla. 
Hii ni mara ya pili kwangu kushuhudia matunda ya ubunifu wako na kazi njema inayofanywa na WAPO Mission International.  Mara ya kwanza ni mwaka 2010 mliponishirikisha katika uzinduzi wa Mpango wa Kizazi Kipya Tanzania.  Matokeo ya Mpango ule ni kuanzishwa kwa Mtandao wa Vikundi vya Maadili na Uchumi Tanzania ambao sera yake ndiyo hii tunayoizindua leo.  Nasema hongera sana Baba Askofu Mkuu na hongereni sana viongozi na waumini wa WAPO Mission International. 
Sera ya MVIMAUTA
Ndugu Baba Askofu Mkuu;
Napata faraja ya pekee kuona kuwa mpango huu sasa umewekewa mkakati madhubuti wa utekelezaji ili malengo yake yaweze kufikiwa.  Sote tumekusikia ukieleza kwa ufasaha maudhui ya sera na mikakati ya utekelezaji wake.  Ni ukweli ulio wazi kuwa ni Sera nzuri na hakuna mpenda maendeleo wa kweli anayeweza kubeza au kukataa kuwaunga mkono.  Jambo mnalokusudia kufanya ni jema kwa nchi yetu na la manufaa kwa vijana ambao ndiyo taifa la leo na kesho.  Mnalenga kusaidia kundi muhimu linategemewa sana na familia zao, jamii na nchi yetu kwa jumla.  Kundi ambalo bahati mbaya linakabiliwa na changamoto nyingi za kimaadili na kimaisha.  Lakini changamoto ni fursa za aina yake pia kwani changamoto hupanua mawazo ya watu.  Changamoto huwafanya watu kuwa wabunifu katika kutafuta majawabu.  Baba Askofu na viongozi wenzako mmefanya kile kinachostahili kufanywa.  Hongereni sana. 
    Mmelitimiza vyema jukumu la wazazi, familia, jamii na viongozi wa dini kuwapatia watoto na vijana malezi mema ili waweze kuzikabili na kushinda changamoto za kimaadili.  Najua ni kazi ngumu hasa katika dunia ya leo ya utandawazi inayoongozwa na teknolojia za kisasa za habari na mawasiliano.  Hatuna budi kuifanya kazi hiyo, tena tufanye kwa umahiri na kushinda.  Tukishindwa tutakuwa tumepata hasara kubwa kwani tutakuwa na vijana wasiokuwa waadilifu jambo ambalo ni hatari kwa maendeleo na ustawi wa familia, jamii na taifa.  Na sisi lazima tuwe wabunifu tutumie utandawazi huo huo na teknolojia hizo hizo kuwajenga vijana wetu wawe na maadili mema.  Natoa pongezi nyingi kwa WAPO Mission International kwa jitihada mzifanyazo kufanikisha jambo hili muhimu na la msingi sana.  Siyo kazi rahisi lakini ni jambo linalowezekana.  Penye nia pana njia.  Dumisheni msimamo wenu na endelezeni juhudi mzifanyazo mtafanikiwa.  Mungu ni mwema atawabariki na kuwashindia kwa kazi njema muifanyayo. 
Risala
Baba Askofu Mkuu Gamanywa;
Waheshimiwa Maaskofu na Ndugu Waumini;
Sote tumekusikia Baba Askofu ukieleza kwa ufasaha kwenye risala shabaha za Sera ya Vikundi vya Maadili na Uchumi Tanzania na jinsi mnavyokusudia na mlivyojipanga kuzitekeleza.  Lazima nikiri kuwa nimetiwa moyo na mambo mazuri mliyokusudia kufanya.  Ikiwa mtandao mnaotaka kuunda utafanya kazi kama inavyokusudiwa, nina imani baadhi ya changamoto kubwa zinazowakabili vijana nchini zitakuwa zimepata muarobaini.  Mambo mengi yameelezwa vizuri na Baba Askofu Mkuu na mimi sina sababu ya kuyarudia.  Lakini naomba nigusie machache ambayo nadhani yanahitaji kusemewa kidogo.
Kwanza naomba niwapongeze kwa hatua mliyofikia ya kuanzisha mchakato wa kusajili Chuo Kikuu cha Uongozi wa Kimaadili na Taasisi ya Kukuza Vipaji.  Naomba mkamilishe mapema usajili wa taasisi hizi za aina yake ili vijana wetu waanze kunufaika nazo.  Kuhusu umilikishwaji wa ardhi, nawashauri mpeleke maombi yenu kwa mamlaka zinazohusika  bila ya shaka mtafanikiwa.  Nchi yetu ina ardhi ya kutosha ya kuwawezesha kujenga taasisi hizo.  Lakini ardhi hiyo ina wenyewe wanaoimiliki.  Ama ni  wananchi mmoja mmoja au familia zao au Serikali za Vijiji au Halmashauri za Wilaya na Miji.  Ni kweli Katiba inasema ardhi yote ya nchi hii ni mali ya Rais.  Lakini Rais ni mdhamini tu wa ardhi ya nchi yetu kwa niaba ya wananchi wote.  Inampa fursa ya kutwaa ardhi ya mtu ye yote kwa manufaa ya taifa.  Hapo tunazungumzia mambo ya kitaifa ya kunufaisha wengi.  Wenye ardhi hasa ni hao niliowataja hapo juu, hivyo  anaetaka ardhi hana budi kuwaona.  Mnachotakiwa ni kutambua ardhi mnayoitaka kisha mumjue mwenyewe nani muonane nae na kuzungumza nae.  Naamini mtaelewana na wala hakapakuwa na lazima ya Rais kusema neno.
Baba Askofu;
Nimefurahi kusikia kuwa kilimo ni miongoni mwa shughuli za vikundi vitakavyoundwa katika utekelezaji wa sera hii.  Mmefikiria jambo la maana sana.  Ni ukweli ulio wazi kamba kilimo kinatoa fursa kubwa za ajira kuliko sekta nyingine yo yote.  Kilimo hakivutii watu wengi hasa vijana kwa sababu ya matumizi madogo ya teknolojia za kisasa.  Kilimo ni kazi ya shuruba kwa sababu ya kutegemea jembe la mkono na plau ya kukokotwa na ng’ombe badala ya trekta.  Inakimbiza vijana wasomi.  Kilimo kina tija ndogo kwa sababu ya kutegemea mvua ya Mwenyezi Mungu na matumizi madogo ya pembejeo za kisasa kama vile mbegu bora, mbolea, dawa za kuua wadudu na za kukinga na kutibu magonjwa ya mimea.  Hali kadhalika kutokutumia maarifa ya kisasa katika utayarishaji wa mashamba, upandaji na mengineyo.  Juhudi tulizozianza mwaka 2006 chini ya ASDP zina lengo la kukitoa kilimo na kukifanya kiwe cha kisasa.  Tuna program za kutoa ruzuku ya pembejeo kwa wakulima na tayari wengi wananufaika.  Tunao mpango wa kuingiza matrekta na kukopesha wakulima katika vikundi vyao.  Naamini vikundi hivi navyo vinaweza kunufaika.  Pia tunao mpango wa kuanzisha Benki ya Wakulima kutoa mikopo kwa wakulima waweze kupata zana na pembejeo za kilimo.  Vikundi hivi vitanufaika pia.  Ninawatia moyo likazanieni hili la vikundi vya kilimo kwani ni jambo lenye matumaini makubwa.  Sisi Serikalini tutaendelea kushirikiana nanyi kufanikisha malengo yenu.
Tutasaidia upande wa mafunzo kwa vijana wetu.  Maafisa ugani watawaelimisha masuala ya kilimo.  Kwa wale watakaojihusisha na viwanda ni vyema mkashirikiana kwa karibu na SIDO kwani wao wanao utaalamu wa kutosha katika shughuli za namna hiyo.  Kwa suala la mitaji siwezi kusema kwamba Serikali inaweza kuwa na fedha zote zitakazohitajika.  Lakini, jungu kuu halikosi ukoko. Tutasaidiana pale tutakapoweza. Hivi sasa upo Mfuko wa kusaidia wajasiriamali na hasa kupitia vikundi vya uzalishaji mali na huduma.  Bahati mbaya mahitaji ni makubwa kuliko uwezo wa Mfuko, hivyo wanaopata si wengi.  Katika hao wanaopata baadhi ya vikundi hivi vinaweza kuwa miongoni mwa hao. 
Napenda kuchukua nafasi hii kutoa wito kwa taasisi za Serikali, Mashirika ya Umma na sekta binafsi, kuangalia namna ya kuchangia katika juhudi hizi za Serikali.  Siyo lazima watoe fedha, lakini wanaweza kufungua fursa za kuwasaidia vijana katika vikundi vyao kama hivi vilivyoanzishwa na WAPO Mission International.  Wanaweza kufanya kama wanavyofanya Shirika la Nyumba la Taifa na VETA.  Imani yangu ni kuwa hivi vikundi vikisaidiwa vitakua na kuwezesha vijana wengi zaidi kujitegemea badala ya kusubiri kuajiriwa Serikalini au kwenye makampuni binafsi. 
Mwisho
Kabla ya kumaliza narudia kuwapongeza kwa jambo hili jema mlifanyalo leo.  Lakini ni sifa yenu ya miaka mingi.  Napenda kuwaahidi kuwa Serikali itajitahidi kufanya yale inayotakiwa kufanya ili sera hii tunayoizindua leo ifikie malengo yake.  We will play our part.  Mwisho nawashukuru tena kwa kunialika, nawapongeza wale wote alioshiriki kuandaa na kufanikisha shughuli hii ya leo.  Wamefanya kazi nzuri iliyotukuka.  Nawapongeza waumini na hasa vijana kwa kufika kwa wingi.  Ninyi ndiyo walengwa.  Bila ya nyie hakuna MVIMAUTA.  Naomba sote tuendelee kumuunga mkono Baba Askofu Mkuu Sylvester Gamanywa na kumtia moyo azidi kufanya mambo mengi mengine mazuri katika kuwatumikia ninyi waumini wa Kanisa lake na Watanzania kwa jumla.  Tunakupenda sana.  Tunatambua na kuthamini sana kazi njema uifanyayo.  Nawaomba muendelee pia kuliombea taifa letu, liendelee kuwa na amani na utulivu na tupate mafanikio zaidi. 
Baada ya kusema hayo,  sasa natamka kwamba Sera ya Mtandao wa Vikundi vya Maadili na Uchumi Tanzania, imezinduliwa rasmi. 
Asanteni sana kwa kunisikiliza.

UONGOZI WA FREEMEDIA MATATANI

Uongozi wa gazeti la Tanzania daima umepewa majuma mawili kuwaomba radhi wananchi wa vijiji vya Kiga na Buhanga vilivyoko wilayani Muleba kwa kukanusha taarifa lilizozichapishwa na gazeti hilo  juma lililopita wanazodai kuwa zililenga  kuwadhalilisha, kuwachonganisha  na kuwagawa  wananchi na viongozi wao.

 

Viongozi waliotoa kauli hiyo ni pamoja na Masoud Ibrahim ambaye ni mwenyekiti wa serikali ya kijiji cha Kiga na Dominic Domician mwenyekiti wa serikali ya kijiji cha Buhanga kwa niaba ya wananchi ambao walisema ikiwa uongozi wa gazeti hilo hautawaomba radhi  wananchi wa vijiji hivyo  katika kipindi hicho watafikia uamzi wa kulifikisha mahakamani.

 

Wakiongea na gazeti hili jana walisema gazeti hilo liliwadhalilisha wananchi kwa kuchapisha taarifa iliyokuwa inadai kuwa wananchi wa vijiji hivyo walioungwa pilau na waziri wa ardhi, nyumba na maendeleo ya makazi, Profesa Anna Tibaijuka alipofanya mikutano ya hadhara kwa nyakati tofauti katika vijiji hivyo hivi karibuni.

 

Walisema taarifa hiyo iliyochapishwa kwenye ukurasa wa mbele wa gazeti la Tanzania Daima kuwa ilikuwa sio ya ukweli bali ilikuwa  ni ya uzushi kwa kuwa pilau iliyoliwa na wananchi  wakati Profesa Tibaijuka ambaye pia ni mbunge wa jimbo la Muleba Kusini alipotembelea vijiji hivyo ilikuwa imeandaliwa na wananchi wenyewe kuwa wala yeye hakuusika.

 

“Profesa Tibaijuka alipofika kwenye kijiji changu cha  Buhanga alikuja kuhamasisha maendeleo na mgeni yoyote akikutembelea ni lazima mkaribishe sisi wahaya tunasema ‘akamwani’ mimi nashangaa makaribisho tuliyomfanyia waziri watu kuyatafsiri vingine, hakuandaa pilau bali pilau tuliiandaa sisi viongozi na wananchi” alisema Dominic kwa masikitiko.

 

 

“Nini ninachoshukuru alipofika katika kijii Buhanga aliazimia kujenga vyumba vinne vya madarasa katika  shule ya msingi ya Rulanda, shule ilikuwa katika hali mbaya wanafunzi walikuwa wakitumia vyumba vya madarasa vilivyojengwa kwa udongo na kuezekwa kwa nyasi, ninachosema ziara yake katika kijiji change ilikuwa na mafanikio nashangaa wanaombeza” alisema Dominic.

 

 

Masouud Ibrahim, mwenyekiti wa serikali ya kijiji cha Kiga alisema kunapowachafua viongozi tuwakatisha tama hata mambo mazuri wanayokuwa wameyapanga kuwafanyia wananchi wanalazimika kuyasitisha, aliviomba vyombo mbalimbali vya habari viandike mambo mazuri wanayoyafanya  viongozi badala ya kuandika habari zinazolenga kuwakatisha tama viongozi hasa wanaofanya harakati kubwa za kuwaletea wananchi maendeleo.

 

Alisema kuwa Profesa Tibaijuka ni mhamasishaji namba moja wa masuala ya maendeleo, aliendelea kusema wanaomsema vibaya wanalenga kumkatisha tama, aliwaomba wananchi katika jimbo la Muleba Kusini kupuuza propaganda mbalimbali zinazolenga kumchafua Profesa TIbaijuka.

 

 

Masoud aliwaomba wananchi kumuunga mkono kila jambo linalobuniwa na Profesa TIbaijuka lenye lengo la kuwaletea maendeleo, alisema kuwa watu ambao kawaida yao ni kupinga kila lililozuri ambao linaweza kuleta ustawi ndani ya jamii.

 

Viongozi hao waliwaomba pia wananchi katika vijiji hivyo kuwa na mshikamano ili waweze kudumisha amani na upendo ndani ya jamii.