MKUTANO WA DHARULA WA CHAMA CHA USHIRIKA KAGERA

 Baadhi ya wajumbe wa bodi ya KCU, kushoto, Bw. Baruti na Kulia ni Alexanda Ngalinda, makamu Mwenyekiti.

 Mwenyekiti wa bodi ya KCU, John Binunshu kushoto na meneja mkuu wa Vedasto Ngaiza wakiteta jambo.

 Baadhi ya wajumbe wa mkutano mkuu wanaowawakilisha wakulima.

Chama kikuu cha ushirika cha Kagera kimeitisha mkutano mkuu kujadili namna ya kukinusuru kufuatia kuporiomoka kwa bei ya ununuzi wa kahawa kwenye soko la dunia, mkutano huo ulikuwa na lengo la kuwaomba wajumbe kuipa baraka bodi ya chama hicho ili ikubali kuidhinisha kiasi cha shilingi bilioni 1.8 il.i zisaidie kufufua msimu wa ununuzi wa kahawa ulikuwa umesimama baada ya chama hicho kukubwa na ukata.

UGONJWA WA MNYAUKO WA MIGOMBA WAITESA KAGERA

TUNAPOONGELEA mikoa ambayo imekumbana na majanga mengi  hapa nchini Tanzania ambayo yameleta  athari nyingi za kijamii na kiuchumi hatupaswi kuusahau mkoa wa Kagera.

 

Mkoa wa Kagera ambao umepakana na nchi za Rwanda, Uganda na Burundi umekuwa chimbuko la majanga mengi yanayojitokeza  hapa nchini ambayo uanzia nchi jirani na hatimaye kusambaa nchini kote.

 

Tunaposema tunapoongelea suala la majanga hatupaswi kuusahau ugonjwa wa UKIMWI ambao kwa Tanzania ulijitokeza kwa mara ya Kwanza mkoani Kagera kabla ya kusambaa nchini kote, ulitokea nchini Uganda.

Janga la UKIMWI lilitokea nchini Uganda na hatimaye likatinga mkoani Kagera, ugonjwa wa UKIMWI ulipoingia mkoani Kagera kwa mara ya Kwanza ulikuwa ukiitwa  jina la ‘Juliana’ .

Jina la juliana lilitokana na mashati yaliyokuwa yamechorwa nembo ya ndege mgogoni na kifuani yaliyokuwa yakiingizwa kwa njia ya magendo na wafanyabiashara watanzania waliokuwa wakifanya biashara na waganda maeneo ya Rukunyu.

 Janga jingine  lililoukumba mkoa wa kagera ni lile la uvamizi uliofanywa na Rais wa zamani wa Uganda Nduli Idd Amin mwaka 1979, uvamizi huo ulileta madhara makubwa ambayo ni pamoja na vifo vya watu wengi pia ulichangia kudumaza maendeleo ya uchumi na kijamii nchini Tanzania.

 Mbali na majanga yote hayo sasa kuna janga jingine jipya lililojitokeza mkoani humo ambalo limeanza kuonyesha athari nyingi ambazo ni pamoja na kiuchumi na kijamii, janga hilo sio jingine bali ni la ugonjwa wa mnyauko wa migomba unaojulikana kwa jina maarufu kwa jina la unyanjano.

 Ugonjwa wa mnyauko umeanza kuhatarisha usalama wa zao la ndizi ambalo ndilo zao kuu la chakula na biashara katika mkoa humo hii inafutia hatua ya ugonjwa huo kusambaa kwa kasi ya ajabu.

Kufuatia kuzuka kwa  ugonjwa wa unyanjano uzalishaji wa ndizi mkoani Kagera umekuwa ukipungua kila kunapokucha, migomba mingi  mkoani humo imeathirika sana na ugonjwa huo ambao unaonekana kuwa tishio.

 Mkoani Kagera  wilaya ambazo zimeathirika zaidi kufuatia kuzuka kwa  ugonjwa wa unyanjano ni pamoja na wilaya ya Muleba, Kyerwa, Karagwe, wilaya hizi ndizo  uzalisha ndizi kwa wingi ambazo uuzwa  kwenye magulio na masoko mbalimbali yaliyoko mkoani Kagera,  maeneo ya mikoa mingine iliyoko hapa nchini na nje ya nchi.

 

Mtafiti mkuu wa chuo vha utafiti wa mazao cha maruku Innocent Ndyetabula anaelezea athari zinazochangiwa na ugonjwa vwa mnyauko, anasema kufuatia kuzuka kwa ugonjwa huo hali ya  upatikanaji wa ndizi kwenye masoko na magulio umekuwa mdogo sana.

 

Ndyetabula anasema kwa sasa kwenye magulio na masoko mbalimbali yaliyoko mkoania Kagera bei ya ununuzi wa ndizi ni wastani wa bei kati ya  shilingi kati ya 13,000 hadi 30,000.

 

Anasema kabla ya kuzuka kwa ugonjwa wa mnyauko wa migomba bei ya ununuzi wa  ndizi kwenye masoko na magulio ilikuwa na wastani wa bei kati ya  shilingi 2,500 hadi 8,000 kwenye masoko na magulio na wastani wa bei kati ya shilingi 1,000 hadi 4,000 toka kwenye mashamba ya wakulima.

 

Anaendelea kusema kuwa upanda kwa bei ya ununuzi wa ndizi kwenye masoko na magulio umewafanya wakazi wa mkoa wa Kagera waliokuwa wanaona ndizi kama chakula chao kikuu waione ndizi sawa na mama mkwe , kwa sasa ni  wahaya wachache wanaoweza kumudu bei ya sasa ya ununuzi wa ndizi.

 

Ndyetabula anasema ugonjwa wa mnyauko umewafanya wahaya wabadili fikira zao, kwa sasa wahaya  wanaona vyakula vyote vinavyoonekana mbele yao bila kufanya uchambuzi, wahaya sasa wanakula wali, ugali na vyakula vingine ambavyo walikuwa hawavitumii hapo awali.

PROFESA TIBAIJUKA ZIARANI MULEBA KATIKA JIMBO LAKE LA KUSINI

Waziri wa Ardhi Nyumba na Maendeleo ya Makazi Profesa Anna Tibaijuka ambaye pia ni Mbunge wa Muleba Kusini na Mjumbe wa Kamati Kuu ya Taifa CCM yuko katika ziara ya kiaina jimboni kwake. Akidai kwamba hataki kuwasumbua wananchi kwa matayarisho ya ujio wake, anaingia katika kijiji kimoja baada ya kingine na kukutana na wananchi kwa matembezi ndani ya kijiji ili ajithibitishie kwa macho kero na changamoto hizo na kuzitafutia ufumbuzi.

Jumapili tarehe 19 oktoba ametembelea kijiji cha Bihanga kata ya Burungura na kushuhudia shule ya msingi yenye madarasa manne yaliyoezekwa kwa nyasi. Wanafunzi walimueleza adha kubwa wanayoipata wakati wa mvua. Utoro katika shule hiyo ni mkubwa kwa sababu ya mazingira mabaya. Akakaa na viongozi wa kijiji na wananchi na kuamua  kuweka nguvu pamoja kujenga madarasa 4 kabla ya mwisho wa mwaka. Amesema atarejea kwenye uzinduzi wa madarasa hayo mwezi Januari.

Katika kijiji cha Kiga kata ya Rulanda Profesa Tibaijuka alipokelewa na Mwenyekiti wa Kijiji Ndugu Masud Ibrahim. Aliandamana na wanawake vijana na watoto ambao katika mda mfupi walijitokeza kwa wingi kumlaki mara baada ya kusikia ujio wake,  kuteka maji katika chemchem pekee ya Nyakashengya inayotegemewa na kijiji hicho. Profesa aliteka dumu la maji kwa bibi kizee mmoja mama Mwajabu ambaye hajiwezi tena.

Kwa mila na desturi mwanamke huwezi kwenda mtoni ukarejea nyumbani bila maji kuwasaidia wasiojiweza! Hiyo ni kupoteza wakati? Profesa Anna alishuhudia uharibifu mkubwa wa chanzo hicho na ufugaji holela wa mifugo inayotoka vijiji jirani ikiwa mali ya wafugaji wakubwa.

 Aidha Mwenyekiti na wanawake walimuonyesha kwa uchungu mashamba yao ya mihogo yaliyoharibiwa kabisa na makundi ya ng'ombe hao. Kijiji hicho zamani kilikuwa kinazalisha mihogo kwa biashara lakini sasa hawana hata ya kula wao wenyewe kwa sababu ya uharibifu wa mifugo.

 Profesa Tibaijuka aliahidi kuleta mainjinia kuboresha chanzo cha maji na kutenga sehemu ya kuteka maji, kunywesha mifugo na kufua nguo. Kwa kuwa tayari kijiji kina mpango wa matumizi bora ya ardhi alitoa Shs laki tano kwa vijana kuunda kikosi cha ulinzi wa mashamba. Wanawake walidai wanaogopa kwenda kulima kwa sababu wanafukuzwa na kupigwa na wachungaji hao.

 Waziri Tibaijuka aliagiza kuwa mifugo yote itakayokutwa katika mashamba ikamatwe na kupelekwa kwa Mkuu wa Wilaya kwa sababu wananchi walidai hawana imani na polisi.

Akipita ndani ya kijiji alitembelea yatima 2  waliomaliza darasa la saba na kujitolea kuwalipia karo wakifaulu kwenda sekondari. Aidha alitoa mchango wa kujenga darasa moja la sekondari ya Rulanda, kuezeka madarasa mawili shule ya msingi ya kijiji jirani cha Nyabule ambayo imekwama mda mrefu.

 Alitoa mchango wa laki mbili na nusu kwa vikundi 4 vya wanawake ili waboreshe mtaji wao. Katika mkutano wa hadhara uliotawaliwa na ngoma hoihoi na vifijo kumpokea mbunge wao, Profesa Anna aliwaasa vijana kuwa na nidhamu na kutodanganywa na wapiga porojo na kejeli  bila matendo yoyote. 

Alisema vijana watambue kuwa tofauti za itikadi hazitakiwi kuleta uhasama na vurugu. Akawaeleza kuwa watambue kuwa nguvu na jeuri ya ngumi inatokana na utofauti wa vidole! Je kama vyote vingelikuwa saizi moja ngumi ingekuwa na nguvu gani? Kwa mantiki hiyo kila mmoja wetu ana mchango mkubwa katika kuleta maendeleo awe mke awe mume, awe CCM au Chadema au CUF.

 Cha msingi ni kauli na hoja zake. Aliwaambia vijana wapime akili ya mtu kwa kauli na kazi zake. Mtu asiye na heshima hawezi kuleta maendeleo yoyote. Na Kiongozi anayesubiri utawala kwanza ndiyo ashughulikie matatizo ya wananchi ana faida gani?

 Alisema vijana wasiyumbishwe wachambue mambo na waone nani wa kuwaongoza.  CCM ina mengi ya kurekebisha lakini pia imefanya mengi. Umati ulimshangaa kwa busara na uelewa wake wa mambo na kumsikiliza kwa makini. Kero ya wanyama waharibifu wa mazao nyani tumbili na viboko alisema atazitafutia ufumbuzi haraka iwezekanavyo. Sherehe ilimalizika kwa chakula cha pamoja.

Awali Katika kata ya Gwanseli  Profesa Tibaijuka alisali misa ya jumapili katika Kanisa la Kilutheri KKKT la ilemera ambapo Alitembelea shule ya ufundi yenye uwezo wa kuwafundisha wanafunzi 22 kwa mwaka vijana 10 wanajifunza useremala na wasichana 12 ushonaji na elimu ya nyumbani. Wote ni yatima na wanafadhiliwa na Swedeni. Profesa Tibaijuka alichanga lhaki mbili na nusu kuwasaidia. Aidha alitembelea dispensari ya Ilemera na kushuhudia wagonjwa kupungua baada ya mlipuko wa malaria wilayani muleba kuthibitiwa.

Zitto aenda Uswiss na Uingereza kuhusu utoroshaji wa fedha

Shirika la Kimataifa la Mtandao wa Ulaya wa Madeni na Maendeleo, European Network on Debt and Development (Eurodad)  watafanya ziara ya kiuchunguzi kuhusu masuala ya uwazi katika kodi katika nchi za Ulaya kuanzia tarehe 20 Oktoba mpaka tarehe 5 Novemba mwaka 2013. Uchunguzi huo utaendeshwa na wataalamu waliobobea wa masuala ya kodi na maendeleo. Mwenyekiti wa Kamati ya Bunge ya Hesabu za Serikali wa Bunge la Tanzania Zitto Zuberi Kabwe ameteuliwa kuongoza Jopo la uchunguzi huo.

 

Eurodad ni Mtandao wa Mashirika yasiyo ya kiserikali yapatayo 48 kutoka nchi 19 za Ulaya ambayo yanajihusisha na masuala ya kufutia madeni nchi zilizoendelea, misaada yenye maana na kodi za haki. Mashirika haya yamekuwa kwenye kampeni ya kupinga utoroshwaji wa fedha kupitia ukwepaji kodi unaofanywa na mashirika ya kimataifa kwa nchi zinazoendelea. Zitto amekuwa mmoja wa wabunge wanaosimamia hoja ya kutaka Watanzania waliotorosha fedha kwenda nje warejeshe na kufunguliwa mashtaka. Mwaka 2012 aliwasilisha hoja binafsi Bungeni na kupitishwa kuwa Azimio la Bunge ya kutaka uchunguzi kuhusu utoroshwaji wa fedha na kufichwa nje kama Uswiss. Kikosi Kazi cha Serikali kutekeleza Azimio hilo la Bunge kinatarajia kuwasilisha taarifa yake katika Mkutano wa Kumi na Sita wa Bunge. Siku ya Jumatatu tarehe 21 Oktoba Zitto atakutana na Waziri wa Fedha wa Uswiss na maafisa wa mabenki na asasi zisizo za kiserikali zilizopo jijini Geneva. Pia Zitto atahudhuria mkutano wa Kamati ya Kodi ya Umoja wa Mataifa katika kampeni ya kubadili mfumo wa kodi za kimataifa ili kuzuia unyonyaji wa nchi za Kiafrika unaofanywa na Makampuni makubwa ya Kimataifa.

 

Baada ya Geneva Zitto atatembelea nchi za Luxembourg na Brussels kabla ya kwenda Norway ambapo atamalizia ziara yake kwa Jopo la Wataalamu wa masuala ya kodi na Maendeleo kuandika taarifa maalumu yenye mapendekezo kuhusu kuzuia utoroshaji wa fedha kutoka Afrika.

 

Zitto atakwenda jijini London kutoa mada kuhusu masuala ya kodi za kimataifa katika mkutano wa Uwazi (Open Government Partnership). Mwenyekiti wa PAC Tanzania atafanya mazungumzo na Mwenyekiti wa PAC Uingereza Bi Margaret Eve Hodge, Lady Hodge MBE, PC, MP  kuhusu masuala mbalimbali ya ushirikiano wa mabunge mawili na kuendeleza wito wake kwa makampuni ya kimataifa kulipa kodi zao barani Afrika na kuacha tabia ya kutumia ‘Tax Havens’ kukwepa kodi na kufukarisha nchi za Kiafrika.

 

Zitto invited to annual OGP Summit

 

The Kigoma North Member of Parliament and Chairman of the Public Accounts Committee (PAC), Hon Zitto Kabwe has been invited for the annual Open Government Partnership (OGP) Forum which kicks off in London at the end of the month.

 

The OGP Summit is a chance to promote tax and illicit issues to new audiences, to encourage new commitments in country action plans.

 

Hon Zitto, who also serves as Deputy Leader of Official Opposition in the Parliament, will serve in the panel which will discuss tax and illicit flows, which is among themes to be deliberated during the summit.

 

The OGP is a global platform for domestic reformers committed to making their governments more open, accountable, and responsive to citizens. Tanzania is among countries which have signed its membership to the OGP.

 

Hon Zitto has great interest on tax avoidance through illicit transfers and last year he tabled private motions which lead to the adoption of a Parliament Resolution compelling the government to investigate a number of individuals who have illicitly stashed billions of dollars abroad.

 

The fact finding mission will see its members interact with UN Tax Committee, OECD, EU as well as key European governments. They will visit a number of European cities namely Geneva, Paris, Luxembourg, Brussels and Oslo.

 

Ends

 

Issued by;

 

Parliamentary Office of Hon. Zitto Kabwe MP

Dar es Salaam

October 19, 2013

 

HUAWEI KUNUFAISHA SEKONDARI 150 ZA TANZANIA *Yachangia dola za marekani 155,000 kwa shule aliyosoma Waziri Mkuu

KAMPUNI ya Huawei ya China  ina mpango wa kuzisaidia shule za sekondari 150 nchini Tanzania ili ziwe zikipata mafunzo kwa njia ya mtandao wa mawasiliano (E-Education) kama njia ya kukabiliana na uhaba wa walimu na vitabu vya masomo.

Hayo yameelezwa jana (Jumapili, Oktoba 20, 2013) na Rais wa Kampuni hiyo, Bw. William Xu alipofanya mazungumzo na Waziri Mkuu, Mizengo Pinda kwenye makao makuu yao jijini Shenzhen, China.

Alisema walipokea maombi ya Serikali ili kuona jinsi mkongo wa mawasiliano ya Taifa (NCITBB) utakavyoweza kuinua kiwango cha elimu ya watoto wa Kitanzania kwa kiasi kikubwa. Kampuni ya Huawei ndiyo iliyojejenga mkongo huo.

Alisema kwa kuanzia mradi huo utazihusu shule 50 ambapo shule mbili kutoka kila mkoa zitaunganishwa kwenye mtandao saa zote (ziko online) zikiwa na madarasa ya kujifunzia teknolojia mpya (multimedia classrooms), maabara ya kompyuta (computer lab),  projekta, mafunzo ya kwenye mtandao yanayofundishwa kwa njia ya video, (Online video teaching) na (online applications).

“Shule nyingine 100 zimekwishaainishwa lakini zenyewe zitakuwa zikipata mafunzo offline (hazitakuwa mtandaoni moja kwa moja), bali katika awanu ya pili zinaweza kuunganishwa na kuwa online kutegemea na upatikanaji wa intaneti na kasi yake,” alisema.

Alisema shule hizi zitakuwa zikipokea mawasiliano kutoka kituo chao kikuu ambacho kimejengwa Dakawa, Morogoro.

Vilevile Bw. Xu alimkabidhi Waziri Mkuu hati ya makabidhiano ya msaada wa dola za marekani 155,000 kwa ajili ya ujenzi wa ujenzi wa madarasa mawili na vifaa vya komputa kwa shule ya msingi Kibaoni ambayo alisoma Waziri Mkuu iliyoko wilayani Mlele, Katavi.

Akitangaza matumizi ya msaada huo, mtaalamu kutoka kampuni ya Huawei, Bw. Moses Hella alisema msaada huo utatumika kujenga madarasa mawili moja likiwa computer lab na jingine ni darasa la kujifunzia teknolojia mpya (multimedia classroom), kompyuta 50, laptop tano kwa ajili ya walimu, Huawei tablets 100 na audio system.

Kwa upande wake, Waziri Mku aliishukuru kampuni hiyo kwa kukubali kutumia teknolojia yake katika kuendeleza elimu nchini kwa kuanzisha mfumo wa E-Education kwenye shule 50 kwa wakati mmoja.

Aliishukuru pia kampuni hiyo kwa kukisaidia Chuo Kikuu cha Sayansi na Teknolojia cha Nelson Mandela cha Arusha na kuongeza kuwa angependa  kuona chuo hicho kinakuwa cha mfano katika maeneo ya utafiti na teknolojia ya mawasiliano barani Afrika.

Kuhusu msaada kwa shule ya msingi Kibaoni, Waziri Mkuu aliwashukuru kwa kumuunga mkono katika kampeni yake ya kuhakikisha amefanya kitu kuisaidia shule hiyo ambayo alisoma kati ya mwaka 1957 na 1960.

“Ninawashukuru sana kwa msaada huu. Niliahidi kwamba kabla sijaondoka madarakani nataka nifanye jambo la ukumbusho kwa manufaa ya jamii ya eneo lile. Kwa kweli nawashukuru sana kwa kutupatia msaada huu naamini kuwa shule hii sasa ni ya kisasa na wanafunzi wake watakuwa na elimu ya teknohama na siyo wa BBC (born before computers) kama mimi.

Alisema ataikabidhi hati hiyo kwa viongozi wa Halmashauri yake ili watunze kwenye rekodi zao.

Shule ya msingi Kibaoni aliyosoma imechakaa, eneo ilipo ni dogo sana na haifai kwa ukarabati. Ili kukamilisha azma yake,  Waziri Mkuu aliomba Halmashauri ya Wilaya ya Mlele itafute eneo jipya ili ujenzi wa shule hiyo ukikamilika, wanafunzi walioko katika shule hiyo wahamie kwenye shule mpya. Hadi sasa madarasa 12 yamekwishajengwa na kuezekwa.

Waziri Mkuu ambaye yuko katika siku ya sita ya ziara yake ya kikazi ya siku tisa kwa mwaliko wa Serikali ya China leo asubuhi amewasili Chengdu ambako atakuwa na mikutano mbalimbali.

IMETOLEWA NA:

OFISI YA WAZIRI MKUU,

JUMATATU, OKTOBA 21, 2013

WAZIRI MKUU PINDA NCHINI CHINA

 Waziri Mkuu, Mizengo Pinda na Mkewe Tunu  (kushoto) wakisalimiana na viongozi  baada ya kuwasili kwenye uwanja wa ndege wa Kimataifa wa Chengdu Shuangliu nchini China wakiwa katika ziara ya kakazi nchini humo Oktoba 21, 2013. (Picha na Ofisi ya Waziri Mkuu

Waziri Mkuu, Mkuu, Mizengo PInda  akiondoka katika NYumba ya wageni ya Wozhou, Shenzhen tayari kwa safari ya kwenda Chendu akiwa katika ziara ya kikazi nchini China Oktoba 21, 2013. (Picha na Ofisi ya Waziri Mkuu)