Ghana yatangaza siku tatu za maombolezo

Ghana imetangaza siku tatu za maombolezo ya kitaifa kufuatia vifo vya watu mia na hamsini vilivyotokana na mafuriko na mlipuko kwenye kituo kimoja cha mafuta.

Mlipuko huo ulitokea hapo jana wakati mamia ya watu walipokuwa wamejihifadhi katika kituo hicho cha mafuta kutokana na mvua kubwa zinazonyesha.
Rais wa Ghana,John Mahama amesema janga halitajirudia tena.

Bwana Mahama amesema hayo wakati akizungumza na waandishi wa habari katika mji mkuu ,Accra alipotembelea eneo la tukio.
Amesema watu wanapaswa kuachana na tabia ya kujenga kwenye mikondo ya maji na inabidi utekelezaji ufanyike ili kuzuia janga lingine kama hilo kutokea.
"Tutachukua hatua fulani kuzuia hili lisitokee katika wakati ujao na mara kwa mara. Hatua hizi zinapokuwa kali, mnakuwa na huruma na kutaka zisitekelezwe. Lakini nafikiri wakati umefika, mnafahamu, kwa kuziondoa nyumba katika maeneo ya maji na umma lazima uelewe kuwa ni lazima kila mtu kuhudumiwa. Nina maana kupotea kwa maisha kwa namna hii ni janga kubwa ambalo halijawahi kutokea hapo kabla."Anasema Rais Mahama.
Miili ya watu imeendelea kutolewa kutoka eneo la tukio na kuwekwa katika malori. Serikali ya Ghana bado inajaribu kupata idadi kamili ya watu waliokufa au kuathirika kutokana na ajali hiyo. Wengi wa waliokufa walijihifadhi katika kituo cha petroli kukwepa mvua kubwa iliyokuwa ikinyesha ambayo imesababisha mafuriko katika sehemu kubwa ya mji wa Accra.

Taarifa wafanyakazi Marekani zadakuliwa

Serikali ya marekani yakumbwa na udukuzi mtandao wa komputa ambapo taarifa binafsi za mamilioini ya wafanyakazi wa serikali zimeingiliwa.

Ofisi ya Utumishi ya nchini hiyo inasema karibu ya watu milioni nne ambao wanafanya kazi au waliwahi kufanya kazi wameathirika na udakuzi huo.
Idara ya Utumishi ya Serikali ya Marekani inayosimamisha huduma za wafanyakazi wa umma nchini huo imefanya uchunguzi wa usalama wa taarifa za wafanyakazi wake wapatao milioni nne.
Idara hiyo inasema wadakuzi hao walililenga kuingilia taarifa hizo kwa njia ya mtandao tangu mwezi aprili jambo linalofanyiwa uchunguzi na shirika la kijasusi la FBI.
Taarifa zote za udakuzi huo na idadi ya watu waliohusika bado haijafahamika lakini Afisa mmoja anasema kila idara ya serikali itakuwa imeathirika kwa kiasi kikubwa.
Mjumbe wa Kamati ya kiintelejensia ya Baraza la Seneti imewalamu wadakuzi kutoka nchini China kuhusika na udakuzi huo.
Hii sio mara ya kwanza kwa taarifa muhimu kama kama hizo kufanyiwa udakuzi.
Mwezi Machi mwaka jana,wadakuzi walijaribu kufanya udakuzi kwa wafanyakazi wa serikalini ambapo pia mwezi Novemba taarifa za za wafanyakazi wa Wizara ya Mambo ya ndani wapatao elfu ishirini zilidakuliwa.

Afisa wa FIFA akiri alipokea rushwa

Wizara ya Sheria ya Marekani imechapisha taarifa inayoelezea jinsi Afisa wa zamani wa FIFA Chuck Blazer alivyokiri kuwa yeye pamoja na wenzake walipokea rushwa ikiwa ni pamoja kuichagua Afrika Kusini kuwa mwenyeji wa fainali ya kombe la dunia mwaka 2010.

Katika taarifa hiyo imeweka wazi mtandao wa malipo ya rushwa ulivyokuwa ukifanywa ndani ya shirikisho la soka duniani FIFA, taarifa zinazoegemea uchunguzi uliofanywa na shirika la kijasusi la Marekani FBI.

Taarifa hiyo ambayo inamwelezea Afisa humo wa zamani wa Fifa Chuck Blazer kukiri kupokea rushwa sasa huenda ikaibua mengi kwenye kashfa ya rushwa inayoindamana shirikisho la FIFA.
Mmerakani huyo kwenye taarifa hiyo inadai alikuwa ni mmoja wa watu waliosuka mipango ya kupokea rushwa katika tukio jingine la fainali la kombe la dunia 1998.

Taarifa za Kukiri zipo katika maandishi wakati wa kesi yake mwaka 2013 wakati kesi yake ilipokuwa akisikilizwa katika mahakama ya Easten New York huko Marekani ambapo alikiri makosa kumi yaliyokuwa yanamkabili.





Marekani imefungua kesi ya rushwa inayowakabili maafisa wa FIFA jambo lililofanya Rais wa FIFA Sepp Blatter kuamua kutangaza kujiuzulu.


Mwendesha mashtaka wa Marekani wiki iliyopita aliwashtaki maafisa 14 wa ngazi wa juu wa FIFA tuhuma za rushwa, kutakatisha fedha.
 

Umoja wa Mataifa kuchunguza kashfa

Katibu mkuu wa Umoja wa Mataifa ameunda uchunguzi wa nje kuhusu kashfa ya kuwadhalilisha watoto kulikofanywa na wanajeshi wa Ufaransa wa kulinda amani nchini Jamahuri ya Afrika ya Kati.

Katika taarifa hiyo, Bwana Ban Ki Moon amesema Umoja wa Mataifa umedhamiria kuhakikisha kuwa hauwangushi waathirika wa vitendo hivi vya udhalilishaji, hasa vinapofanywa na watu wanaotegemewa kuwalinda.

Kuundwa kwa kamati huru ya uchunguzi ni moja ya madai ya wakosoaji ambao wamekuwa wakiukosoa Umoja wa Mataifa kwa kutochukua hatua madhubuti kuchunguza madai hayo ya udhalilishaji watoto wengine wakiwa na miaka tisa.Hatua hii imekuja mwaka mmoja kamili baada ya watafiti wa Umoja wa Mataifa kusikia kwanza kutoka kwa watoto walioathirika kutokana na udhalilishaji huo katika mji mkuu wa Jamhuri ya Afrika Kati, Bangui.

MKUU WA KANISA LA KIINJILI LA KIRUTHERI TANZANIA DR. ALEX MALASUSA AWEKA JIWE LA UJENZI WA VYUMBA VYA MAABARA KATIKA SHULE YA BWENI YA WASICHANA YA JOSIAH

Jengo la utawala la shule ya sekondari ya  bweni ya wasishana ya Josiah iliyoko katika manispaa ya Bukoba Mkoani Kagera.

 Sehemu ya vyumba vya madarasa.

 Sehemu ya mandhari ya shule ya Josiah.

 Mkuu wa Kanisa Dr Alex Malasusa akisaini kitabu cha wageni mara baada ya kuwasili katika  shule ya josiah kwa ajili ya kuweka jiwe la msingi kwenye jengo la maabara, katikati ni mmoja wa walezi wa vijana katika shule hiyo, Elias Mashasi na kushoto ni mchungaji wa KKKT jimbo la shinyanga Emmanuel Makala.

 Baadhi ya wanafunzi katika shule hiyo wakimpa maelezo Askofu Malasusa jinsi wanavyopata elimu kwa njia ya teknologia mpya, hapa wanaeleza TABLETS zinavyotoa elimu inayoendana na karne ya sasa.

 Askofu Dr Malasusa akisikiliza kwa makini maelezo yanayotolewa na wanafunzi juu ya namna wanavyopata elimu kwa njia ya TABLETS.

 Askofu Dr. Malasusa akihitimisha zoezi la kuweka jiwe la msingi katika jengo la vyumba vya maabara katika shule hiyo,, jengo hilo litakuwa na maabara za Fizikia, Kemia na Biologia.

Jengo hilo litagharimu zaidi ya shilingi milioni 126.7 na litamalizika mwezi Octoba mwaka huu.

 Ruge Masabala mmoja wa waendeshaji  wa shule ya Josiah akimuongoza Dr Masalula hadi kwenye ukumbi wa shule hiyo.

 Dr Malasusa akipokea zawadi maalumu iliyotolewa kwake na uongozi wa shule hiyo.

 Mzee Masabala mmoja wa wakurugenzi wa shule hiyo akiongea wakati wa hafla fupi ya uwekaji wa jiwe la msingi.

 Baadhi ya walimu na watenda kazi katika shule hiyo.

 Dr. Fidolin Mwombeki kushoto ni mmoja wa waliohudhuria hafla hiyo.

N

PINDA AKUTANA NA UJUMBE WA WAFANYABIASHARA KUTOKA MAREKANI

Waziri Mkuu,Mizengo Pinda akiwa katika picha ya pamoja na wafanyabiashara na wawekezaji kutoka Marekani baada ya kuzungumza nao Ofisini kwake jijini Dar es salaam Juni 1, 2015. Kushoto kwake ni Katibu Mkuu, Wizara ya Mambo ya Nje na Ushirikikiano wa Kimataifa, Liberata Mulamula.(Picha na Ofisi ya Waziri Mkuu)

Waziri Mkuu, Mizengo Pinda akikagua gari la kubeba wagonjwa lililotolewa na kampuni ya  Sayed Corporation Limited  kwa ajili ya hospitali ya  Endulen ya Ngorongoro . Gari hilo lilikabidhiwa kwa Waziri Mkuu, Ofisini kwake jijini Dar es salaam Juni 1, 2015 na  Mkurugenzi Mtendaji wa kampuni hiyo, Bw. Masood  ur Rehman Sayed (kulia kwake) jijini Dar es slaam .  (Picha na Ofisi ya Waziri Mkuu)

Waziri Mkuu, Mizengo Pinda  akizungumza na wafanyabiashara na wawekezaji kutoka Marekani, Ofisi kwake jijini Dar es salaam Juni 1, 2015. Kulia kwake ni Katibu Mkuu Wizara ya Mambo ya Nje,Liberata Mulamula. (Picha na Ofisi ya Waziri Mkuu