PICHA NA IKULU
Tuesday, December 03, 2013
RAIS KIKWETE AKUTANA NA UJUMBE WA WAFANYABIASHARA TOKA UTURUKI
WAZIRI MKUU AWASILI MJINI DODOMA
MZIMU WA ZITTO WAENDELEA KUIKUMBA CHADEMA YAENDELEA KUSAMBARATIKA
TAARIFA KWA VYOMBO VYA HABARI
UTANGULIZI
Ikumbukwe kwamba mimi ndio mwanachama wa
kwanza kujiunga na CHADEMA mkoa wa
SINGIDA na ni mtu wa 300 kitaifa
kujiunga na Chama hiki. Nimejiunga mwaka 1992 siku ya mkutano mkuu kwanza wa
uzinduzi chama uliofanyika mnazi mmoja.
Nimekuwa nikijitolea vya kutosha nguvu,
muda na akili zangu nyingi kukijenga na kukilinda chama hiki mpaka sasa mkoa
wetu wa singida umepata wabunge watatu mmoja wa kuchaguliwa na wawili wa viti
maalum.
Tangu mwaka 1992 mpaka 2011, chadema
imekuwa ikitumia nyumba yangu kama ofisi, nimekuwa nikifanya hivyo kama
kielelezo change cha kudai na kupigania demokrasia ya kweli ndani ya nchi kwa
kuijenga CHADEMA imara.
Kwa kipindi chote hicho nimekubali
kujibana na kuipunja familia yangu stahili zake ili chama chetu kikue kwa kasi
mkoani kwetu, nashukuru mungu wanasingida waliitikia ombi nletu na kutufuta
majozi yaliyotokana na jasho langu kwa kutupatia mbunge mwaka 2010.
Hivyo nimehudhunika sana kwa kitendo
kilichofanywa na wajumbe wa kamati kuu cha kukiuka utaratibu na kujivalisha
mamlaka yasiyowahusu.
HISTORIA YA USALITI KWENYE CHADEMA
Viongozi wa chama chetu wamekuwa na
historian a tabia ya kutubadilishia wasaliti na kuwapachika kila aina ya
shutuma kila kunapokaribia uchaguzi ndani ya chama.
Tuliambiwa na kuaminishwa kuwa KABURU ni
msaliti mkubwa ndani ya chama.
Tukaambiwa na kuaminishwa kuwa CHACHA WANGWE alikuwa msaliti,
tukafanyishwa vikao vya ndani, tukaanzishiwa mikakati mbali mbali kuwa wangwe
ni msaliti na kwamba anatumika.
WANGWE alipofariki hali ikatulia kidogo,
tukaanza kuimba na kumsifia kwamba ni kamanda, tukamuita majina yote ya
kishujaa lakini haikuwa na faida yoyote.
Sasa hivi tumeanza kuaminishwa wasaliti
wengine wapya, safari hii wasaliti hawa wamevuka usaliti na kuwa WAHAINI,
masikitiko yangu ni hawa wahaini ndio wale wale wengine waliokuwa wakikitetea
chama kipindi kinapingwa na waliokuwa wasaliti.
Bahati mbaya sana na cha kufurahisha
kama si cha kusikitisha hakujawahi kutokea Msaliti, Mhaini Wala kiongozi yeyote
anayetuhumiwa kukihujumu chama mwenye asili ya KILIMANJARO ama KASKAZINI kwa
ujumla, wahaini na wasaliti wote wanatokea mikoa yetu sisi wanyonge.
WAVAMIZI NDANI YA CHAMA
Bahati mbaya sana, harakati hizi za
kuibua na kuwashuhulikia hawa wanaoitwa wasaliti zinafanywa na wavamizi ama
wahamiaji ndani ya chama, nitatoa mifano michache muda huu.
1.
GODBLESS
LEMA tulimpokea kwenye chama hiki mwaka 2009 akitokea TLP aliposhindwa
kufanya siasa za ushindani baada ya kushiriki kukiua chama hicho, lema
alikwenda TLP akitokea NCCR-mageuzi aliposhindwa kutimiza malengo yake ya
kisiasa na kushuhudia akikiua chama hicho. Leo LEMA ndio mpambanaji mkuu dhidi
ya Zitto Kabwe, Dokta Kitila mkumbo na demokrasia ya kweli ndani ya chama
chetu, anaambatana na kijana mwengine anaitwa MAWAZO, huyu wakati sisi
tunapambana na CCM mwaka 2010 kuwanadi wagombea wetu wa ubunge urais na
udiwani, yeye alikuwa anagombea udiwani kupitia CCM tuliyokuwa tunaipinga,
ameingia chadema na sasa wale waliokuwa wanampinga akiwa huko leo anawaita
WASALITI na WAHAINI.
2. MCH. MSIGWA naye huyu ni hivyo hivyo tulimpokea CHADEMA baada ya
kushindwa na kuigombanisha NCCR na baadae TLP. Baada ya kuvimaliza vyama hivyo
sasa wamehamia chadema kutugombanisha na kutuharibia chama chetu kwa makusudi
kabisa.
3. Wengine vinara kwenye mgogoro huu ni Tundu Lissu,
bensoni kigaila, john mrema na wengineo hawa ni vijana tuliowapokea kuja
kujenga chama na sio kukibomoa chama kama wanavyofanya
4. TUNDU LISSU yeye ni kinara sana wa kumshambulia zitto kwenye hili,
lakini ninasikitika kusema kuwa Tangu nimekuwa mwanachadema na Tangu
nimemfahamu Lissu alipohamia CHADEMA hajawahi kufanya mkutano hata mmoja wa
kujenga chama ndani ya mkoa wa SINGIDA ukiondoa jimboni kwake. Tumemuona Zitto
akitoka bungeni na mara nyingine hata kigoma kuja kufanya mikitunano maeneo
mbali mbali hapa singida ikiwemo iramba, singida mjini na kwingineko, na
mtakumbuka zitto amewahi kukamatwa na polisi mkoni singida akikinadi chama,
hakuwa lissu. Sasa leo anapotoka mbele na kujinadi kuwa ana mapenzi mazuri na
chama kushinda zitto kabwe ni upuuzi unaopaswa kukemewa kwa nguvu kubwa sana.
Ninasikitika sana kuona Mwenyekiti Mbowe
na Katibu mkuu Slaa wanawakumbatia hawa, ninashangaa sana kuona viongozi hawa
wanakubali kuwa sehemu ya ubakaji huu mkubwa wa demokrasia.
Ninaamini kabisa vijana hawa wanatumiwa
na mwenyekiti na katibu mkuu kuutumia uzoefu wao walioutumia kwenye vyama vyao
vya awali mpaka kuviua.
KUHUSU
KAMATI KUU NA MAAMUZI YAKE.
Uamuzi wa kuwavua nyadhifa zitto kabwe
na wenzake kwa madai ya kuwa na mkakati wa siri wa uchaguzi, ni uamuzi wa
kipuuzi na wa kupuuzwa, kwenye hili kamati kuu imedhihirisha namna gani
inaundwa na watu wasio na weledi na hawaongozwi na misingi na taratibu za
chama.
Katika chama chochote kile, kamati kuu
haiwezi kuwa mshitaki mkuu, hiyo hiyo iwe mwendesha mashitaka, hiyo hiyo iwe
shahidi, hiyo hiyo iwe hakiku na hiyo hiyo iwe muandika hukumu. Hapa
wamedhihirisha ni namna gani wanaongozwa na Hisia na chuki zinazotawaliwa na
hofu ya uchaguzi ndani ya chama.
Kamati kuu hii ya sasa haipo kwa ajili
ya maslahi ya wanachama na chama kwa ujumla, ipo kwa maslahi ya mbowe na slaa pengine
na watu wa kaskazini.
Kwa hiyo kuwazuia watu wenye mawazo
tofauti na wao na kuwaita wasaliti na wahaini ni sawa kuasisi na kuimiza
mpasuko ndani ya chama, maana kuna mambo kamati kuu inaweza kufanya na kuna
mengine haiwezi, hii haiwezi kufanya hili walilolifanya sasa hawawezi
kulifanya.
Nionavyo mimi na wanachama ninaowaongoza
hapa singida ni kwamba kamati kuu imekurupuka na kufanya maamuzi yaliyotawaliwa
na hofu, chuki na uroho wa madaraka dhidi ya zitto kabwe na wenzake
walioonyesha nia thabiti ya kukivusha chama kwenye harakati za kuilikomboa
Taifa.
MSIMAMO WA CHAMA
SINGIDA
(i)
Tunalaani, kuipinga na kuikemea kamati kuu ya chama
dhidi ya maamuzi yao haya ya kipuuzi yaliyojaa chuki, hofu na wasiwasi mwingi
kuelekea uchaguzi mkuu wa ndani ya chama
(ii)
Tunamtaka mwenyekiti na katibu mkuu waitishe mara moja
mkutano wa baraza kuu la chama kutolea maamuzi suala hilo.
(iii)
Tunamtaka katibu mkuu awazuie wakurugenzi na maafisa
wake aliowatuma kusambaa mikoani kusambaza waraka wa siri unaowachafua zitto na
kitila na kwamba kufanya hivyo ni kujidharirisha wao wenyewe.
(iv)
Tunampa onyo kali katibu mkuu Dkt. Slaa kuwa
asithubutu kukanyaga SINGIDA ikiwa bado hajayafanyia kazi maelekezo yetiu hapo
juu, kuzunguka kwake mikoani baada ya kumvua vyeo zitto ni kwenda kuthibitisha
kuwa amefanya makusudi mpango wake huo.
(v)
Tunapenda wanachadema na watanzania watambue kuwa
Hatuna Imani na Mwenyekiti wa Taifa wa chama, Katibu Mkuu wa Chama, Kamati kuu
kwa ujumla na tunamuagiza mbowe aivunje mara moja kisha nay eye ajiudhuru.
MWISHO
Kutokutii
maamizio yetu haya ni kusababisha mgogoro usiokuwa na kikomo ndani ya chama
hiki,
Singida
tunasema kuwa ‘’ kamati kuu inaweza kumvua zitto kabwe uongozi, inaweza
kumuondolea heshima yake ndani ya jamii, inaweza pia kumsingizia kila aina ya
uwongo itakavyo, lakini kamwe kamati kuu haiwezi KUZUIA MPASUKO NDANI YA
CHADEMA.’’
Kwa kuzingatia utangulizi wangu hapo
mwanzo, na kwa kuona ukweli kwamba chama chetu sasa kimevamiwa na kuwa na vyama
viwili ndani ya chama kimoja,
Nimeonelea ni vyema sasa niilinde na
kuithibitisha dhamira yangu ya demokrasia ya kweli, nimeona ni vema nihakikishe
demokrasia tunayoiimba tunaitenda kwa vitendo.
Kwa misingi hiyo sasa, nimeamua kukaa
pembeni ya udhalimu huu wa demokrasia unaoasisiwa na viongozi wakuu wa chama
wanaoogopa kivuli cha uchaguzi mkuu wa ndani ya chama,
Nimeona ni vema sasa niuthibitishie umma
wa Tanzania kuwa kwenye chadema unaruhusiwa kugombea vyeo na nafasi zote
isipokuwa uenyekiti wa Taifa ndio maana zitto tuliyemuunga mkono leo hii
anashambuliwa kwa dhamira yake safi ya kidemokrasia.
Nimechoka sasa, nimebadili mawazo, sipo
tayari tena kuwa msukule wa fikra mbele ya watu wanaopenda kuigiza na kujifanya
watetezi wa wanyonge kumbe ni wanafiki wa kutupwa.
Nimememuandikia barua katibu wangu wa
mkoa kumueleza maamuzi yangu ya kujiudhuru uenyekiti wa mkoa, sihitaji tena
kuwa mwenyekiti wa mkoa kwenye chama ambacho hakitendi kinachoyasema, sihitaji
tena kuwa mwenyekiti wa mkoa kwenye chama ambacho dakika na saa yoyote unaweza ukageuzwa
na ukaitwa msaliti na muhaini wa aina ya kopekee.
Mimi kitundu, sihitaji kuendelea kuwa
dalali wa mafanikio ya kisiasa kwa ajili ya watu wa kaskazini dhidi ya
watanzania wenzangu.
Nimejiuzuru uenyekiti wa mkoa wa SINGIDA
kuanzia leo tarehe 3.11.2013 na kuahidi kuwa nitapambana mpaka mwisho wa tone
la damu ya uhai wangu kuhakikisha demokrasia ya ndani ya chama hiki
inaheshimiwa na kwamba watanzania hawadanganywi tena.
Nawashukuru sana.
Wilfred Noel Kitundu
Mwenyekiti Mkoa SINGIDA
Muasisi na mlezi wa CHADEMA Singida
1992-2013
Mjumbe wa Baraza Kuu TAIFA 1992 – 2013
Mjumbe wa Mkutano Mkuu Taifa 1992-2013
+255786215181/0764619335
WILFRED
NOEL KITUNDU
MWENYEKITI
CHADEMA MKOA SINGIDA
S.L.P 260
3.12.2013
KATIBU
WA CHADEMA MKOA
S.L.P
260
SINGIDA
YAH: - KUJIUZURU UENYEKITI MKOA SINGIDA
Somo hapo lahusika,
Ninapenda kukuarifu kuwa nimeamua
kujiuuzuru nafasi yangu ya uenyekiti wa mkoa ambayo nimekuwa nikiitumikia kwa
kipindi kirefu sasa kama kielelezo cha kuamini na kudai demokrasia ya kweli
ndani ya chama.
Ikumbukwe kwamba mimi ndio mwanachama wa
kwanza kujiunga na CHADEMA mkoa wa SINGIDA na ni mwanachama wa 300 kitaifa,
hiyo ni heshima kubwa sana kwangu na sipo tayari kuipoteza kwa kukubali kuwa
sehemu ya udharirishaji huu wa demokrasia uliopitiliza
Maamuzi na vitendo vinavyoendelea ndani
ya chama chetu kwa sasa ni ubakaji na udharirishaji wa demokrasia ya kweli
tunayoihubiri mbele ya umma.
Kwa barua hii basi, nimeonelea bora
upate ufahamu huo kuwa si vema mimi kuendelea kupingana na dhamira yangu
inayonituma kuwa mwanademokrasia wa kweli.
Kwa kipindi hiki kifupi mnaweza
mkaendelea kuitumia anuani yangu ya posta mpaka hapo mtakapopata anuani yenu
tayari.
Ninatanguliza shukrani zangu za dhati
kwa wanachadema wote wanaopinga upuuzi huu uliofanywa na kamati kuu ya chama.
Kusimamia haki, katiba na misingi ya
chama ni wajibu wangu, hivyo kwa namna yoyote ile sitaweza kuwa tayari kufumba
macho pindi ujinga wa namna hii unapoendelea kutekelezwa kwa uwoga wa uchaguzi.
Nakutakia kila la heri kwenye majukumu
yako.
………………………………………………….
Wilfred N. Kitundu
0764619335/0786215181
RAIS KIKWETE AKUTANA NA RAIS WA TAASISI YA KUWAHUDUMIA WAATHIRIKA
Rais Jakaya Mrisho Kikwete
akiongea na Rais wa Taasisi ya Kimataifa ya Kuhudumia Waathirika wa
Dawa za kulevya na UKIMWI iitwayo Medicins Du Monde - Harm Reduction
Programe alipofika na ujumbe wake Ikulu jijini dar es salaam leo.
Sunday, December 01, 2013
TAMKO LA UMOJA WA MATAWI YA WANACHADEMA MKOA WA MWANZA DHIDI YA UAMUZI HARAMU WA KAMATI KUU YA CHADEMA.
TAARIFA KWA VYOMBO VYA HABARI
UTANGULIZI
Ndugu wanahabari, mbele yenu ni muunganiko wa wawakilishi
wa matawi 189 ya chama cha demokrasia na maendeleo mkoa wa mwanza. Umoja huu wa
matawi unawajumuisha wajumbe kutoka majimbo yote ya mkoa wa mwanza.
Hivyo katika kikao chetu tulichoketi tarehe 30.nov 2013
kuanzia saa nne asubuhi mpaka saa tisa kasorobo, pamoja na mambo mengine
tumeazimia kuanzisha umoja huu wa wanachama.
Hii ni kutokana na ukweli kwamba viongozi wetu
wanaotuwakilisha kwenye vikao vya maamuzi kama
vile wilaya, mkoa na taifa wamekuwa waoga na wameshindwa kuwakilisha
mawazo yetu tuliyowatuma badala yake wengi wao wamekubali kuwa vibaraka wa kile
kinachoitwa CHADEMA KASKAZ
Kutokana na ukweli kwamba msingi wa chama chetu na chama
kingine chochote kile cha siasa, uimara na uhai wake unatokana na uwepo wa
misingi na matawi ya chama, hivyo sisi wanachama wa matawi haya 189 tumeamua
kuunganisha nguvu zetu kutetea chama chetu na kuhakikisha haki, heshima, katiba
na maadili ya chama vinafuatwa bila ya kuogopana wala kuoneana haya.
Umoja huu umeonelea ni vema kuutaarifu umma wa watanzania
na wapenzi na wanachama wa chadema mambo kadhaa yafuatayo
Kwamba:-
Chadema ni chama cha siasa kinachopaswa kuendeshwa kwa
misingi ya kufuata taratibu, kanuni na katiba yake na si vinginevyo. Lakini
badala yake kwasasa kumeibuka ombwe kubwa kwa viongozi wetu wa juu kujitwalia
mamlaka ya chama kinyume na matakwa ya katiba ya chama chetu hususan katika
kutoa haki sawa kwa viongozi na wanachama wa chama chetu. Kumekuwepo na upendeleo
wa hali ya juu sana kwa wale wanao amini kuwa ndani ya chama hawawaungi mkono hivyo
kupelekea kuwaadhibu kama ndio kinga yao ya kuendelea kuongoza bila kuhojiwa au
kukosolewa.
Sababu zilizotolewa na
kamati kuu hazikubaliki
Maamuzi
ya kamati kuu ya tarehe 20-21 /11/2013 ya kuwavua uongozi Mh: Zitto Zuberi Kabwe, Dr. Kitila Mkumbo na Ndg Samson Mwigamba, kumeonyesha dhahiri si woga tu wa Demokrasia bali ni
unafki na Uzandiki wa hali ya juu sana kwa viongozi wetu kuikwepa Demokrasia kwa
kisingizio cha kusaliti na uhaini ndani ya chama. Katiba yetu imeweka wazi
Ibara ya 6 Kifungu cha 3 kipengele cha 6. (a – f) Mamlaka za nidhamu na
uwajibishaji ndani ya chama. Kulikuwa na haraka gani ya kufanya maamuzi bila
kufuata taratibu hizi kwa viongozi hawa, tuonavyo sisi baadhi ya wanachama huo
ni umangi meza na udhalilishaji wa kibaguzi ndani ya chama kwa viongozi wetu
waliotumia nguvu zao na akili nyingi sana kukijenga chama.
Sababu kubwa ya kuandamwa
kwa viongozi hawa ni
1. Kutaka
kujua mapato na matumizi ya fedha za chama zinazotokana na Ruzuku ya fedha za
serikali.
2. Michango
ya wanachama na wapenzi kwenye mikutano ya wazi.
3. Harambee za M4C Mwanza, Arusha na Dar es saalam.
4. Kutaka
kujua taratibu za manunuzi ya rasilimali ya chama namna walivyopatikana
wadhabuni wa kusambaza bendera na kadi za chama, magari na pikipiki ambapo
ununuzi wake ni wa mashaka makubwa.
5. Kutaka
kuona usawa wa kimadaraka kwa viongozi wote bila ubaguzi wa aina yoyote kuanzia
ngazi ya chini mpaka Taifa kinyume na ilivyo sasa hasa makao makuu ya chama
ambapo ukanda na ubaguzi wa hali ya juu umetawala.
Kushamiri
kwa migogoro
Mwenyekiti
na katibu mkuu wameshindwa kutatua migogoro ya viongozi na wanachama kutoka
mikoani kwa njia sahihi za vikao na kwa wakati hivyo kutoa mwanya kwa viongozi
na wanachama kutumia njia ya mitandao ya kijamii tukiongozwa na katibu mkuu
mwenyewe, kujitokeza mara kwa mara kwenye mitandao hiyo hiyo kwa madai ya
kutolea ufafanuzi ya mambo mbalimbali ya husuyo maswala ya chama ilihali akijua
kufanya hivyo ni usaliti mkubwa kwa chama chake, njia hiyo ya nje ya vikao
ilipelekea migogoro mikubwa sana hususan mkoa wetu wa Mwanza na kupelekea kupoteza
Halmashauri ya Jiji la Mwanza kutokana na kufukuzwa kwa baadhi ya madiwani,
kuvunjwa uongozi wa mkoa na wabunge kuwa juu ya chama na kutumia nafasi zao
kuopanga safu za uongozi wanao uwona watawatumikia wao na si chama, hivyo
kusababisha mifarakano mikubwa ndani ya chama na kupelekea kuvuliwa uongozi kwa
viongozi mbalimbali katika mkoa wetu kwa maamuzi yasiyo zingatia utafiti na
uhalisia wa kweli ndani ya chama.
Mwenyekiti na katibu mkuu wamekuwa vinara wa kuvunja
katiba Mfano:
·
Kitendo cha kutoa muongozo nje na matakwa ya
katiba juu ya kuwapata wawakilishi kwenye vyombo vya maamuzi kama wabunge
kwamba wanaohitaji kugombea 2015 waandike barua makao makuu na wao ndio watatoa
wagombea kinyume na katiba ya chama Ibara 7.2.13 inayotoa taratibu ya kuwapata
wagombea, huwo ni uvunjaji wa katiba na ubakaji wa demekrasia ndani ya chama,
sizani kama kuna uhaini zaidi ya huu swali la kujiuliza hapa, Je, kama leo sisi
Chadema hatuheshimu katiba yetu tuliyoitunga sisi wenyewe itakuwaje siku
tukikabidhiwa nchi yenye watu wenye mawazo na mtizamo tofauti na sisi?.
Hatutaki kuamini kama nchi hii inaweza kugeuka uwanja wa maopambano ya kivita.
Tunataka kujua hatua gani zilizochukualiwa dhidi ya
Mbunge wa Arusha Mjini Mh: Godbless Lema
kumkashfu kiongozi wa chama Mh: Zitto
Zuberi Kabwe kuwa ni mnafki na Mzandiki kwendye mitandao ya kijamii pia
tunataka kujua hatua gani zilizochukuliwa na chama dhidi ya Bw Henry Kilewo kwa kuweka waraka unaoitwa ripoti ya siri inayomhusu
Zitto mbao chama makao makuu kupitia kwa mkurugenzi wa habari na uenezi wa
chama kukana mbele ya vyombo vya habari kuwa waraka huo chama hakiusiki nao na
hakiujui kabisa lakini chakushangaza Bw
Kilewo ambaye pia ni kiongozi wa chama ngazi ya mkoa wa Kinondoni kichama,
waraka huo ambao chama kiliukana yeye aliweka kwenye Blog yake ilihali akijua
kufanya hivyo ni kinyume na kanuni za viongozi wa chama kuhusu maadili ya
viongozi kanuni ya 10.
Pia tunataka kujua hatua gani zilizochukuliwa kwa
waandaaji wa tamthilia hii ijulikanayo kama Ripoti ya siri kuhusu Zitto
kwasababu tayari makada na viongozi wetu wamelidhihiri kuwa wao ndo miongoni
mwa waandaaji wa tamthilia hii.
Lakini cha ajabu viongozi wetu wamelifumbia macho na
kupelekea kwetu baadhi ya wanachama kuamini zengwe hili la kumchafua Zitto Lina
Baraka zote za viongozi wa chama ngazi ya juu.
Tunataka
kuona nguvu iliyotumika kuwaadhibu Mh: Zitto na wenzake kwa kuandaa waraka
ujulikanao kama mkakati wa mabadiliko 2013 nguvu hiyo hiyo itumike kwa hawa
waliotumia njia chafu ya kuandaa waraka wa kumchafua zitto ambao chama
kinawajua na baadhi yao tumewaweka humu kwenye tamko letu.
Kingine
tunataka kwa mara nyingine kwa viongozi wa chama makao makuu kuwaambia umma wa
watanzania ni kwanini waraka huo huo uinaoitwa warajka wa siri kuhusu Zitto leo
viongozi na wanachama mikoani na kwenye majimbo waraka huo uangawiwa kwa
wanachama na wananchi kwa agizo la makao makuu kama si ubaguzi ni nini?.
Tunaonya na kulaani kitendo cha viongozi wetu kuendeleza
utawala wa kibabe na kupelekea kuhatarisha maisha ya baadhi ya wanachama na
viongozi wanaotofautiana nao kimtizamo mfano: kumezuka tabia ya baadhi ya
viongozi na makada wa chama chetu wasiokuwa na uwezo wa kujenga hoja jukwaani
hivyo kujikuta muda mwingi wa kutumia maneno ya uchochezi dhidi ya wanachama na
viongozi wanaokinzana nao kifikra na kimtizamo na kuhamasisha wanachama wasiojua
itikadi vizuri ya chama kuwa wawashughulikie na maneno haya yamekuwa yakisemwa
hadharani kwenye mikutano mbalimbali hivyo wananchi wapenda Demokrasia ya kweli
kubaki na maswali magumu kuliko majibu juu ya ukimya wa serikali kuhusiana na
jambo hili.
Hitimisho
Mwekiti
na katibu mkuu wajiudhuru mara moja ili kupisha uchunguzi wa mapato na matumizi
ya fedha za chama ambazo zinatokana na kodi za wavuja jasho wan chi hii, M/kiti na katibu mkuu watoe ufafanuzi juu ya
kuvunja katiba kwa kuondoa kipengele cha ukomo wa uongozi ndani ya chama kutangaza
uchaguzi huku mkiwaondoa washindani wenu ni uwoga na ubakaji wa Demokrasia.
Mwisho tunataka maamuzi haya HARAMU kamati kuu
yabatilishwe na mchakato wa kuwavua viongozi hawa nyazifa zao ufuate taratibu
na kanuni kwa mujibu wa katiba tofauti na hapo tarehe 4/12/2013 tutaungana na
wapigania Demokrasia kote nchini kufanya maandamano yasiyokuwa na ukomo mpaka
uongozi uliopo utoke madarakani.
Vile vile baada ya tarehe hiyo muhakikishe mnawaamisha
wabunge vibaraka wote wa chadema mkoa wa mwanza, wamchukue wenje wakamtafutie
jimbo moshi na highness kiwia wamtafutie jimbo HAI na MACHAME hii ardhi ya
kanda ya ziwa sio saizi yao na tunataka waondoke mara moja. Kinyume na hapo
tutawaondoa huku wakishuhudia kwa macho yao.
Tunamuagiza mbowe na slaa wasithubutu kukanyaga ardhi hii
ya kanda ya ziwa ikiwa bado hawajajiudhuru ama kubadili maamuzi yao HARAMU
haraka iwezekanavyo
Hatuna sababu ya kuendelea kuwa wsatumwa wa fikra ndani
ya chama chetu,
Tumekuwa wanyonge kwenye chama hiki vya kutosha,
tumedharirishwa kwenye chama hiki vya kutosha, tumeburuzwa na kupuuza kwenye
chama hiki vya kutosha,
Sasa sisi wanachadema wa matawi ya mwanza na kanda ya
ziwa kwa ujumla, tunasema kwamba kanda ya ziwa na magharibi watupo chadema kwa
bahati mbaya, tupo humu kama wapokezi na waasisi wakuu wa chama hiki,
tunajivunia uasisi wa wazee wetu kina Marehemu Bob Nyanga Makani, Marehemu
Balozi ngaiza Marehemu Chacha Zakayo Wangwe, kamanda Zitto Kabwe na sisi
wengine wengi.
Vyovyote itakavyokuwa kamwe, hatutaweza kukubali aina
yoyote ya upuuzi huu unaoeneawa na kusimamiwa na WAHUJUMU DEMOKRASIA NDANI YA
CHADEMA.
Tunashukuru kwa ushirikiano wenu.
Mapambano yanaendelea. CHADEMA VEMA
ROBERT E.
GWANCHELE
Mwenyekiti wa umoja
wa Matawi ya CHADEMA mkoa wa MWANZA
Mwenyekiti wa Vijana KANDA YA CHAMA
ZIWA MAGHARIBI
Mjumbe kamati Tendaji wilaya ILEMELA
Subscribe to:
Posts (Atom)