WARATIBU ELIMU KATA WAMUAGA STONE MWASSA

 Stone Mwassa (kushoto) na mke wake Stella Mwassa.

MAADHIMISHO YA SIKU YA MLIPA KODI KAGERA

 Mkuu wa jeshi la polisi Bukoba, Manyama alikuwa miongoni mwa walioudhuria sherehe ya siku ya wiki ya mlipa kodi.

 Mkuu wa wilaya ya Misenyi, Kanali mstaafu Issa Njiku kulia alikuwa mgeni rasmi wakati wa maadhimisho hayo.

 Baadhi ya maofisa wa mamlaka ya mapato.

 Baadhi ya walipa kodi mkoani Kagera.

 Joston Rwiza, mhasibu wa TANICA akipokea cheti cha ushindi.

Mlipa kodi bora mkoani Kagera, Remigius Nshange akiwa na cheti chake.

KIKAO CHA BARAZA LA MADIWANI WA HALMASHAURI YA WILAYA YA MISENYI

 Mkuu wa wilaya ya Misenyi, Issa Njiku na mkurugenzi mtendaji Eliza kitundu.

Kamanda wa M23 ajisalimisha Uganda

Waasi wa M23 wametimuliwa kutoka katika maeneo waliyokuwa wamekita kambi

Maafisa wa Serikali ya Uganda wanasema kuwa kamanda wa kijeshi wa wapiganaji walioshindwa katika Jamhuri ya Kidemokrasi ya Congo, DRC, M23, amejisalimisha kwa utawala wa Uganda.

Ripoti kutoka Uganda zinasema kuwa mamia ya wapiganaji wamejisalimisha pamoja na kiongozi wao, Sultani Makenga.

Wapiganaji hao wamejisalimisha katika eneo la hifadhi ya Wanyama ya Pori ya Mgahinga, kwenye mpaka wa Uganda na DRC.
Mnamo Jumanne M23 walisema kuwa wamesitisha maasi yao ya miezi 20 Mashariki mwa Congo, baada ya kutimuliwa katika ngome zao Mashariki mwa Congo na wanajeshi wa Serikali wakishirikiana na askari wa kudumisha amani wa Umoja wa Mataifa.
Hata hivyo serikali za Uganda na DRC hazijaweza kuthibitsha madai haya.
Mapema wiki hii, M23 ilisema kuwa inamaliza uasi wake wa miezi kumi na tisa masaa chache baada ya majeshi ya serikali kudai ushindi dhidi ya waasi hao.
Ripoti zinasema kuwa Sultani Makenga na waasi wengine 1,700, wamesalimisha silaha zao na wanazuiliwa na jeshi la Uganda katika kambi ya jeshi ya Mgahinga, karibu na mpaka na DRC.
Mapema wiki hii, maafisa wa DRC walisema Makenga alitoroka na kuingia Uganda au Rwanda.
Uganda imekuwa mwenyeji wa mazungumzo ya amani kati ya waasi na serikali ya DRC , ingawa hakuna mkataba wa amani umefikiwa.

Kikwete:Tanzania haitajitoa A.Mashariki

Tanzania imesema hataitajitoa katika Jumuiya ya Afrika kama wengi walivyodhani na badala yake imedhamiria kuhakikisha Jumuiya hiyo inadumu na kustawi.

Akilihutubia bunge la Tanzania, mjini Dodoma, katikati mwa Tanzania, Rais wa nchi hiyo, Jakaya Kikwete amesema kwamba Tanzania haina mpango wala fikra za kujitoa katika Jumuiya ya Afrika Mashariki kwa kuwa ni nchi inayoamini katika umoja na maendeleo na imekuwa ikitumia gharama kubwa kuhakikisha jumuiya hiyo inaimarika.

"Tanzania ni mwanachama mvumilivu, mtiifu na mwaminifu na tunatimiza wajibu wetu kwa jumuiya na kuhusika kikamilifu katika ujenzi wake." amesema Rais Kikwete.
Rais Kikwete ametumia muda mrefu katika hotuba hiyo kuchambua masuala mbalimbali ya msingi ya uhai wa jumuiya hiyo huku akisema ameshangazwa na nchi za Kenya, Uganda na Rwanda kuzitenga Tanzania na Burundi.
Amesema kuna masuala ambayo hayazifungi nchi wanachama katika mkataba wa umoja wao, hivyo kuwa na uhuru wa ushirikiano na nchi ndani ya jumuiya na hata nje.
"Naomba kwanza niweke wazi jambo moja, kwamba nchi mbili wanachama au zaidi hazikatazwi kuwa na makubaliano ya ushirikiano katika kufanya mambo mbalimbali. Hata sisi Tanzania tunao ushirikiano wa namna hiyo na nchi zote wanachama wa Jumuiya ya Afrika Mashariki. Lakini, nchi wanachama zinatakiwa kufanya hivyo kwa yale mambo ambayo hayako kwenye shughuli za Jumuiya kwa maana kwamba hayamo katika Mkataba au Itifaki au hakuna uamuzi wa msingi uliofanywa na vikao au taasisi za Jumuiya kuyashughulikia. Pia, tunaweza kufanya hivyo kwa mambo ambayo yalishaamuliwa na Jumuiya yatekelezwe na ruhusa imetolewa kwa nchi yo yote iliyokuwa tayari kutekeleza ama peke yake au kwa kushirikiana na nchi nyingine".
Hata hivyo Rais Kikwete amesema huenda mambo yanayoitenga Tanzania na nchi nyingine tatu za jumuiya ya Afrika Mashariki, ni msimamo wake kuhusu kuharakisha shirikisho, masuala ya ardhi, ajira, na uhamiaji.
Pia Rais Kikwete amesema Tanzania haina mpango wa kujitoa kwa kuwa inaamini na ina uhakika kuwa haijafanya jambo lolote baya dhidi ya jumuiya au nchi mwanachama yeyote wa jumuiya hiyo.

WAZIRI MKUU PINDA BUNGENI DODOMA

  Waziri Mkuu, Mizengo Pinda akijibu maswali bungeni mjini Dodoma Novemba 7, 2013. (Picha na Ofisi ya Waziri Mkuu)

Waziri  Mkuu, Mizengo Pinda  akisalimiana na wanachuo wa Chuo Kikuu cha Dodoma kwenye viwanja vya Bunge Mjini Dodoma Novemba 7, 2013. (Picha na Ofisi ya Waziri Mkuu)