MIGOMBA AMBAYO HAIJAKUMBANA NA UGONJWA WA UNYANYANO MAARUFU KWA JINA LA MNYAUKO

RAIS KIKWETE AKUTANA NA NAIBU RAIS MTEULE WA KENYA

  Rais Dkt Jakaya Mrisho Kikwete leo April 1, 2013 akisalimiana na Naibu Rais mteule wa Kenya Mhe William Kipchirchir Samoei arap Ruto katika hoteli ya kitalii ye Seronera katika mbuga ya wanyama ya Serengeti mkoani Mara. Mhe Ruto alikuwa nchini kwa mapumziko ya Pasaka.

  Rais Dkt Jakaya Mrisho Kikwete leo April 1, 2013 akisalimiana na Mama Rachel Chebet, mke wa  Naibu Rais mteule wa Kenya Mhe William Kipchirchir Samoei arap Ruto katika hoteli ya kitalii ye Seronera katika mbuga ya wanyama ya Serengeti mkoani Mara. Mhe Ruto alikuwa nchini kwa mapumziko ya Pasaka.

Rais wa Jamhuri ya Muungano wa Tanzania Dkt Jakaya Mrisho Kikwete leo April 1, 2013 amekutana na Naibu Rais mteule wa Kenya Mhe William Kipchirchir Samoei arap Ruto  ambaye alikuwa nchini kwa mapumziko ya Pasaka.

Akiongea na mgeni huyo katika hoteli ya Seronera iliyoko katika mbuga ya wanyama ya Serengeti  mkoani  Mara, Rais Kikwete  amempongeza Mhe Ruto na Rais mteule wa Kenya Mhe. Uhuru Kenyatta, kwa ushindi wao kwenye uchaguzi mkuu nchini Kenya.

Mhe Rais pia alimueleza Mhe Rutto furaha yake pamoja na kuridhishwa  na jinsi  uchaguzi ulivyofanyika kwa amani katika nchi hiyo.

Alielelezea  matumaini yake ya kuwa  urafiki uliopo kati ya Tanzania na Kenya  utadumishwa  pamoja na kusukuma mbele gurudumu la maendeleo ya Jumuiya ya Afrika Mashariki.

Mhe Rutto, ambaye aliwasili mkoani  Mara wiki  iliyopita akiwa na mke wake na watoto, ameondoka  leo baada ya chakula cha mchana alichoandaliwa na mwenyeji wake.

Rais Dkt Jakaya Mrisho Kikwete leo April 1, 2013 akipozi na familia ya  Naibu Rais mteule wa Kenya Mhe William Kipchirchir Samoei arap Ruto katika hoteli ya kitalii ye Seronera katika mbuga ya wanyama ya Serengeti mkoani Mara.

MAMBO YA PASAKA KWENYE UFUKWE WA HOTELI YA SPICE

WAJUKUU WAMTEMBELEA BIBI YAO

 Ayesiga Rugalabamu kulia na Ivan Kalumuna kushoto wakiwa na bibi yao Ernestina Mwesiga baada ya kumtembelea anaishi katika kijiji cha Rushasha, Bugabo.

Ayesiga na Ivan wakipanda mlima wa Rushasha.

KAMANDA KALANGI AKIELEZEA MATUKIO YA UHARIFU

 

MTU mmoja anayetuhumiwa kwa  ujangili ameuwawa baada mapambano makali ya kurushiana risasi kati ya askari jeshi  la polisi mkoani Kagera lililoshirikiana na askari wa idara ya wanyama pori na kundi la watuhumiwa wa ujangili ndani ya pori la hifadhi ya taifa la Burigi lililoko wilayani Ngara.

Akizungumza na waandishi wa habari kamanda wa jeshi la polisi mkoani Kagera, Philip Kalangi amesema mapambano hayo yalianza pale majangili hayo yaliyokuwa na silaha mbalimbali za kivita yalipoanza kujiami kwa kwa kuwarushia askari risasi ambao walikuwa wakiyaamulu majangili hayo yajisalimishe.

Katika tukio jingine kamanda Kalangi amewaambia waandishi wa habari kuwa jeshi la polisi linamshikilia Joshua Mlindwa (25) mhaya mkazi wa kata kashai mhutumiwa wa kuvunja ofisi ya shule ya sekondari  ya Bukoba kwa kutumia funguo bandia  kuiba yeti vya taaluma 131.

Akisimulia tukio hilo amesema mtuhumiwa amekamatwa baada ya kuwekewa mtego,  Kalangi amesema kuwa mtuhumiwa alikuwa akidai uongozi wa shule ya sekondari ya Bukoba impatie shilingi milioni 6 ambayo alitaka ilipwe kwa njia ya M pesa ili aweze kurejesha vyeti hivyo la sivyo angeviaribu kwa kuvichoma moto.

 Kamanda Kalangi akionyesha vyeti ambavyo vilikuwa vimeibiwa na mtuhumiwa anayeshikiliwa na jeshi la polisi n i vyeti vya taaluma vya wahitimu wa kidato cha nne wa shule ya sekondari ya Bukoba iliyoko katika manispaa ya Bukoba.

Kamanda akionyesha funguo bandia.

RAIS KIKWETE ATEMBELEA MAJERUHI MOI

  Rais Jakaya Mrisho Kikwete na Mke wake Mama Salma Kikwete wakiwa  katika wodi ya Sewa haji ya Taasisi ya Mifupa ya MOI katika Hospitali ya Taifa ya Muhimbili jijini Dar es salaam leo Machi 31, 2013 wakimjulia hali na kumpa pole Bw. Selemani Saidi, mmoja wa majeruhi walionusurika katika jengo lililoporomoka katikati ya jiji Ijumaa iliyopita na kusababisha vifo vya watu 25 Kushoto mwenye suti nyeusi ni Mkuu wa Wilaya ya Ilala, Mhe. Raymond Mushi Kulia ni Daktari C.N. Mcharo wa taasisi ya Mifupa ya Moi.

Rais Jakaya Mrisho Kikwete na Mke wake Mama Salma Kikwete wakiwa  katika wodi ya Sewa haji ya Taasisi ya Mifupa ya MOI katika Hospitali ya Taifa ya Muhimbili jijini Dar es salaam leo Machi 31, 2013 wakimjulia hali na kumpa pole Bw. Selemani Saidi, mmoja wa majeruhi walionusurika katika jengo lililoporomoka katikati ya jiji Ijumaa iliyopita na kusababisha vifo vya watu 25 Kushoto mwenye suti nyeusi ni Mkuu wa Wilaya ya Ilala, Mhe. Raymond Mushi Kulia ni Daktari C.N. Mcharo wa taasisi ya Mifupa ya Moi.