MAADHIMISHO YA SIKU YA MASHUJAA KUFANYIKA MKOANI KAGERA

MKOA wa Kagera utakuwa mwenyeji wa  maadhimisho ya kumbukumbu siku   ya mashujaa  itakayoadhimishwa mwezi julai 25, mwaka huu.

Akiongea na waandishi mkuu wa mkoa wa Kagera Kanali mstaafu  Fabian Massaw wakati wa kikao kilichokuwa na lengo la kujadili  wajibu wa wadau wa habari katika maandalizi na kushiriki katika maadhimisho ya siku ya kumbukumbu ya mashujaa kilichofanyika kwenye ukumbi wa mkuu wa mkoa huyo.

Katika kikao hicho Massawe aliwaambia waandishi wa habari  kuwa maadhimisho hayo yatafanyika kwenye maeneo ya kambi ya kijeshi la wananchi (JWTZ)  ya  Kaboya iliyoko wilayani Muleba.

Mkuu huyo wa mkoa aliviomba vyombo vya habari kuwahamasisha wananchi ili washiriki kikamilifu kwenye mchakato mzima wa maandalizi ya maadhimisho hayo.

Alisema maandalizi ya maadhimisho hayo kuwa yanahitaji nguvu ya pamoja ili yaweze kufanikiwa kwa asilimia kubwa, aliendelea kusema kuwa maandalizi ya maadhimisho yanaendelea vizuri.

Katika kufanikisha maandalizi hayo Massawe aliwaomba wananchi wazingatie usafi ili wageni wataofika kushuhudia maadhimisho hayo toka maeneo mbalimbali wakute mji wa Bukoba ukiwa  safi.

Alisema katika maadhimisho hayo mkoa wa Kagera unatarajiaa kupokea wageni zaidi ya wageni 1,500 wakiwemo mabalozi wanaowakilisha nchi mbalimbali  pamoja na wageni wengine toka nje ya nchi.

Aliwahimiza  kwa kuwahimiza wananchi wachangamkie fursa  mbalimbali zitakazotokana na maadhimisho ya siku hiyo, “ndugu wa waandishi wageni watakuwa wengi huu ni wakati wa wananchi kuwa wabunifu kwa kujihusisha na shughuli mbalimbali za kuwapatia kipato” alimaliza

Maadhimisho ya siku ya kumbukumbu ya mashujaa mwaka yaliadhimishwa mkoani Mtwara.

TIMU YA MAVETERANI TOKA MKOANI KAGERA IKIONDOKA KUELEKEA JIJINI MWANZA KUSHIRIKI KWENYE BONANZA

MAMBO YA SHEREHE ZA MUUNGANO WA NCHI ZA TANZANIA BARA NA ZANZIBAR

 Ndege za kivita zikifanya maonesho katik sherehe za Miaka 49 ya Muungano jijini Dar es salaam leo.Zenye rangi ya njano zinazomwaga rangi za bendera za Taifa ni ndege za mafunzo na zingine za kijivu

ni za kivita.

BALOZI Dr. KAMALA NA WASOMI

Balozi wa Tanzania  Jumuiya ya Ulaya Dr. Diodorus Buberwa Kamala (mwenye miwani) akiwa na Wanafunzi kutoka Tanzania wanaosoma masuala ya Maji katika Taasisi ya Elimu ya Maji ya Kimataifa (UNESCO), Delft Uholanzi. Watanzania kumi na sita kutoka Tanzania wamehitimu katika fani za usambazaji wa maji, maji na mazingira, usimamizi wa raslimali za maji na utatuzi wa migogoro ya maji.

WAZIRI MKUU DODOMA

 Waziri Mkuu,Mizengo Pinda akizungumza na Maaskofu kutoka Kanda ya Ziwa waliotembelea Bunge Aprili 25,2013. kutoka kushoto ni Alex Lwakusumbwa, Z. Isaya na Charles Sekelwa. Wapili kulia ni Mbunge wa Msalala, Ezekiel Maige. (Picha na Ofisi ya Waziri Mkuu)

Waziri Mkuu, Mizengo Pinda akiteta na Mbunge wa Viti Maalum na Mkuuu wa Mkoa wa Rukwa, Stella Manyanya kwenye viwanja vya Bunge Mjini Dodoma, Aprili 25,2013. (Picha na Ofisi ya Waziri mkuu)

MATUKIO MBALIMBALI IKULU

  Rais Dkt Jakaya Mrisho Kikwete akimtambulisha Katibu Mkuu wa Wizara ya mambo ya Nje na Ushirikiano wa kimataifa Bw John haule  kwa Balozi wa Bangladesh nchini Mhe Wahidur Rahman baada ya kupokea hati zake za utambulisho na kisha kufanya naye mazungumzo leo April 25, Ikulu jijini Dar es salam.

  Rais Dkt Jakaya Mrisho Kikwete akitambulishwa na Mkuu wa Itifaki Balozi Mohamed Maharage kwa Balozi wa Kuwait  nchini Mhe Yacoub Y. Alsanad kabla ya ya kupokea hati zake za utambulisho na kisha kufanya naye mazungumzo leo April 25, Ikulu jijini Dar es salaam.

 Rais Dkt Jakaya Mrisho Kikwete akiongea na  Balozi wa Kuwait  nchini Mhe Yacoub Y. Alsanad kabla ya ya kupokea hati zake za utambulisho na kisha kufanya naye mazungumzo leo April 25, Ikulu jijini Dar es salam. Kushoto ni Bw Abdul Rahman Al-Hashim, Meneja wa Mfuko wa Maendeleo wa Kuwait aliyeongozana na balozi huyo.

WAKANDARASI WAZALENDO WAPEWA USHAURI

 

 

WAKANDARASI wazalendo hapa nchini wameshuriwa kuimarisha umoja unaowaunganisha  ili waweze kukabiliana na changamoto zinazowakabili zinazokwamisha katika mchakato wa kushinda zabuni.

 

Hayo yameelezwa na mkurugenzi mtendaji wa kampuni ya ujenzi ya TEKI mhandisi Emmanuel  Bishanga ambaye pia ni katibu wa umoja wa kandarasi wa mkoa wa Kagera  (TASEKA)  wakati akitolea  ufafanuzi malalamiko  yanatolewa na  baadhi ya wakandarasi wanaodai kuwa zabuni za ujenzi wa barabara zinatolewa kwa upendeleo hasa  kwa makandarasi  wenye uwezo mkubwa.

 

Bishanga amesema  umoja wa wakandarasi unapokuwa hai unaweza kuleta wawekezaji wenye mitambo mikubwa ya ujenzi ambayo ambayo wakandarasi wenye uwezo mdogo wanaweza kuikodisha  tofauti na utaratibu wa sasa ambao wakandarasi  wanaitumia wa kukodi mitambo toka kwa makandarasi wenye uwezo mkubwa wanaoshindana nao zinapotangazwa zabuni.

 

 

Alisema  si kweli kwamba TANROADS inatoa zabuni za ujenzi wa barabara kwa upendeleo hasa kwa wakandarasi wakubwa, Bishanga alisema wakala hao wa barabara wanatoa zabuni kwa kuangalia vigezo vingi.

 

"Ndugu mwandishi kawaida zabuni ufunguliwa mbele ya wakandarasi wote wanaokuwa wameomba kazi, zikifunguliwa kila ombi moja moja uchambulisha hapo ndipo mshindi wa zabuni utangazwa" mhandisi huyo.

 

"Mimi siwatetei maofisa wa  TANROADS wanaogawa zabuni  ninachokisema kulingana na uzoefu nilionao kwamba wanaonyimwa zabuni ni makandarasi wasio na sifa ya kutekeleza miradi ya ujenzi wa barabara, makandarasi wasio na sifa ni wale wasio na mitaji, vitendea kazi na wsenye sifa za kutokuwa waaminifu hasa katika kukamilisha kazi wanazopewa" alisema Bishanga.

 

Naye Manyus Rweyendelela ambaye pia ni mkandarasi aliwaomba wakandarasi watimize vigezo vyote vinavyotakiwa wakati wa kuomba zabuni.

 

"Sio siri taarifa zinazoenezwa za kuichafua TANROADS  zinaenezwa na makandarasi wanakosa tenda kwqa kushindwa kutimiza vigezo" Alisema.

 

"Mimi ni mkandarasi mdogo ila huwa ninaomba kazi TANROADS, wakati mwingine nakosa wakati mwingine napata, nasema tangu nianze kuomba zabuni TANROADS sijawahi kutoa rushwa ili nishinde zabuni, wanaoeneza taarifa za upotoshaji wana mawazo mufilisi" alisema Manyus.

 

Kwa upande wake Julius Basinda alisema ndani ya TANROADS hakuna  namna mkandarasi anaweza kushinda zabuni kwa kutoa rushwa siku ya kufungua zabuni kila kitu huwekwa hadharani.

 

"Ninachosema ushindi wa zabuni ni kutimiza vigezo, ndugu zangu wakandarasi msijidanganye kwa kufikiri kwamba mtashinda zabuni kwa maneno au kwa kutumia rushwa hali hiyo ilishabadili siku nyingi" alimaliza.

 

 

 

 

SERIKALI YASHAURIWA SHULE ZINAZOIBA MITIHANI

BAADHI ya wadau wa sekta ya elimu katika mkoa wa Kagera wameishauri serikali kuzifungia kabisa shule zinazobainika kujihusisha na  wizi wa mitihani pamoja na kuwachukulia hatua za kali  baadhi wamiliki wa shule  hizo na maofisa wa serikali wanaoshirikiana nao ili iweze kukuza na kuimarisha sekta hiyo nchini.

 

Wadau sekta hiyo wametoa ushauri huo leo kwa nyakati tofauti wakati wakieleza sababu mbalimbali zinazochangia kudumaza ukuaji wa kiwango cha elimu hapa nchini.

 

 

 Walisema   kushuka kwa kiwango cha elimu hapa nchini kunachangiwa na tabia ya kuvuja kwa mitihani, walisema  kuvuja kwa mitihani kunachangiwa kwa kiasi kikubwa na baadhi ya  wamiliki wa shule binafsi ambao hupenda shule zao zionekane maarufu  zaidi ya shule nyingine.

 

 

Mwandishi maarufu wa vitabu hapa nchini vinavyohusiana na masuala ya kilimo Pius Ngeze ambaye pia ni  mwenyekiti wa zamani wa Chama Cha mapinduzi (CCM) wa mkoa wa Kagera alisema wamiliki wa shule wanaoshirikiana na baadhi ya maofisa wa baraza la mitihani kuiba mitihani kwamba wanaua nchi.

 

 

 Ngeze aliwafananisha  ya wamiliki wa shule wanaowapa majibu wanafunzi ili shule zao zionekane zinafanya vizuri sawa na wauwaji, alisema mmiliki wa shule anayewampa wanafunzi majibu ya mtihani ili shule yake ionekana inafanya vizuri  kuwa anakuwa anawamchimbia kaburi.

 

 

Leonidas Mgashe,  ambaye ni afisa utalii wa kampuni ya utalii ya walkgard  iliyoko mkoani  Kagera anasema kuna  baadhi ya wamiliki wa shule binafsi wanaotaka shule zao zionekane maarufu zaidi ya shule nyingine, aliwatuhumu kuwa wamiliki hao ndio wanajihusisha na vitendo vya wizi wa mitihani ili shule zao zifanye vizuri waweze kupata wateja wengi zaidi.

 

 

 

Naye, mwenyekiti wa baraza la usafiri wa majini na nchi kavu mkoani Kagera, Michael Cleophace alitoa ushauri kwa  watendaji wa baraza la mitihani kuzingatia  maadili ya kazi yao ili wajiepushe na vishawishi waweze kuinua na kuimarisha kiwango cha elimu hapa nchini.

 

 

Alimaliza kwa kuiomba serikali kubuni mikakati itakayosaidia kuthibiti mianya yote inayochangia kuvuja kwa mitihani inayotungwa na baraza la mitihani.

 

 

MANDHALI YA MJI WA BUKOBA

KIKAO CHA MABALOZI WA AFRIKA JUMUIA YA ULAYA

Balozi wa Tanzania Jumuiya ya Ulaya Dr. Diodorus Buberwa Kamala akiongoza Mkutano wa Mabalozi wa Afrika Jumuiya ya Ulaya wa kujadili changamato za uanzishwaji wa Mfuko wa Kijani wa Mazingira  Duniani.

MKE WA WAZIRI MKUU AKUTANA NA WATOTO DODOMA

 Watoto wa Kijiji cha matumaini cha Mjini Dodoma wakifurahia zawadi ya asali waliyopewa na Mke wa Waziri Mkuu Mama Tunu Pinda (mwenye miwani katikati) wkati alipotembelea kijiji hicho Aprili 23,2013.Kulia kwake ni Mbunge wa Viti Maalum na Mkurugenzi wa Mfuko wa Catherine Foundation Limite, Catherenie Magige  ambaye pia alitoa zawadi mbali mbali kwa watoto wa kijiji hicho.(Picha na Ofisi ya Waziri  Mkuu)

 Mmoja wa watoto wa kijiji cha Matumaini cha Dodoma akifurahia pipi ambayo iliku ni miongoni mwa zawadi nyimgi za vyakula na vitu mbalimbali vilivyotolwa na Mke wa Waziri mkuu, Mama Tunu Pinda na Mbunge wa Viti Maalu, Catherine Magige ambaye pia ni Mkurugenzi wa Mfuko wa Catherene Foundation kwa watoto wa kijiji hicho, Aprili 23, 2013. (Picha na Ofisi ya Waziri Mkuu)

Mke wa Waziri Mkuu, Mama Tunu Pinda (mwenye miwani katikati) na Mbungewa Viti Maalum na Mwenyekiti wa Mfuko wa Catherene Foundation, Caherine Magige  wakizungumza na watoto wa kijiji cha Mtumaini cha Dodoma wakati walipotoa zawadi za vyakula na vitu mablimbali kwa kituo hicho, Aprili 23, 2013. (Picha na Ofisi ya Waziri Mkuu)

HAYA NI MAMBO YA UCHUMBA

Binti yake mhandisi Timoth Zelamula akimtambulisha mme wake mtarajiwa wakati wa kuvalishana pete, sherehe ya uvalishanaji wa pete ilienda sambamba na utolewaji wa maali.

MAOFISA MAGEREZA MKOANI KAGERA WATUNUKIWA VYEO

 Mkuu wa magereza kagera Yusuph Kimanji akimvalisha cheo mmoja wa maofisa wa magereza.

RAIS KIKWETE AKUTANA NA RAIS WA TUSKON

Rais Jakaya Mrisho Kikwete akizungumza na Rais wa Shirikisho la Wafanyabiashara na wenye viwanda la Uturuki (TUSKON) Bw. Rizanur Meral na ujumbe wake  Ikulu jijini Dar es salaam.

PICHA NA IKULU

BALOZI SEFUE AKUTANA NA BALOZI WA UINGEREZA

 Katibu Mkuu Kiongozi Balozi Ombeni Sefue katika mazungumzo na balozi wa Uingereza nchini Tanzania Mhe Diana Melrose aliyemtembelea leo April 19, 2013

ofisini kwake Ikulu jijini Dar es salaam. mazungumzo hayo yalihusu maswala mbalimbali ya ushirikiano baina ya nchi hizo mbili.

Katibu Mkuu Kiongozi Balozi Ombeni Sefue akisalimiana na Mkuu wa Mfuko wa Maendeleo wa Uingereza (DFID) nchini Bw. Elliot Marshall aliyeongozana na Balozi wa Uingereza nchini Tanzania Mhe Diana Melrose (katikati) aliyemtembelea leo April 19, 2013 ofisini kwake Ikulu jijini Dar es salaam. mazungumzo hayo yalihusu maswala mbalimbali ya ushirikiano baina ya nchi hizo mbili.

BALOZI KAMALA AKUTANA NA MAOFISA WA MAHAKAMA YA KIMATAIFA

 Balozi wa Tanzania Jumuiya ya Ulaya Dr. Diodorus Kamala (Mwenye miwani) akiwa na Katibu Mkuu wa Mahakama  ya Kudumu ya Usuluhishi Mhe. Hugo Siblesz.

Balozi wa Tanzania Jumuiya ya Ulaya Dr. Diodorus Kamala akisalimiana na Mwendesha Mashitaka Mkuu wa Mahakama ya Kimataifa ya Yugoslavia Mhe. Serge Brammertz.

RAIS MSTAAFU AONGELEA SUALA LA KUCHINJA MIFUGO

Rais Mstaafu wa awamu ya pili,Alhaj Ali Hassan Mwinyi akizungumza na waandishi wa habari jijini Dar es Salaam leo wakati alipozungumzia suala uhalali wa kuchinja ambalo limekuwa ni gumzo sana hapa nchini kwa kipindi cha hivi karibuni.

WAZIRI MKUU MKOANI DODOMA

 Waziri Mkuu, Mizengo Pinda akizungumza na Mbunge wa Ludewa, Deo Filikunjombe kwenye viwanja vya Bunge Mjini Dodoma Aprili 17, 2013. (Picha na Ofisi ya Waziri Mkuu)

 Waziri Mkuu,Mizengo Pinda akizungumza na Wabunge wa Viti Maalum kwenye jengo la Utawala la Bunge Mjini Dodoma Aprili 17, 2013. Kutoka kushoto ni Frlister Bura, Leticia Nyerere na Christowaja Mtinda. (Picha na Ofisi ya Waziri Mkuu)

Waziri Mkuu, Mizengo Pinda akizungumza na Wanachuo wa Chuo Kikuu cha Kumbukumbu ya Mwalimu Julius Nyerere kwene ukumbi wa Spika  mjini Dodoma Aprili 17,2013. (Picha na Ofisi ya Waziri Mkuu)

KATIBU MKUU KIONGOZI AKUTANA NA BALOZI WA OMAN

Katibu Mkuu Kiongozi Balozi Ombeni Sefue akiwa katika mazungumzo na Balozi wa Oman nchini Tanzania Mhe Yahya bin Moussa al Bakari ofisini kwake Ikulu jijini Dar es salaam leo.

Mazungumzo hayo yalihusu mambo mbalimbali ya ushirikiano baina ya nchi mbili hizi.

PICHA NA IKULU

RAIS KIKWETE NCHINI UHOLANZI

Waziri Mkuu wa Uholanzi Mark Rutte akimkaribisha Rais Dkt.Jakaya Mrisho Kikwete katika ofisi yake na kufanya naye mazungumzo jana Jijini The Hague.Rais Kikwete alikuwa katika ziara rasmi ya siku mbili nchini Uholanzi kwa mwaliko wa Waziri mkuu wa Nchi hiyo.* ** *Rais Dkt.Jakaya Mrisho Kikwete akisisitiza jambo wakati alipokuwa akizungumza katika mkutano na waandishi wa habari mwishoni mwa ziara yake rasmi ya siku mbili nchini Uholanzi jana.Kulia nia Waziri Mkuu wa Uholanzi Mh.Mark Rutte(picha na Freddy Maro).